Ni igikorwa cyabaye kuri uyu wa Gatanu tariki 27 Nzeri 2024 kuri Canal Olympia ku i Rebero. Cyahuriyemo ibyamamare bitandukanye mu muziki, sinema n’ibindi.

Bahavu Jeannette ubwo yafataga ijambo, yashimiye abantu bose baharuye inzira muri sinema Nyarwanda avuga ko bashyize itafari rikomeye kuri uru ruganda.

Yavuze ko BahAfrica yatangije yamubaye mu nzozi kuva kera, ariko akaza kumenya ko akwiriye gutera intambwe agashyira mu bikorwa ibyo yahoze yifuza kera. Ati “Ubu ntibikiri inzozi turakora. Ntabwo bikiri inzozi, kuba twakora amahugurwa ngo dusohore abanyeshuri bangana gutya. Ubu ndi mu nzozi zanjye.’’

Bahavu yashimiye umugabo we Ndayirukiye Fleury wamushyigikiye, ubwo bamaraga kurushinga agakomeza kubaha akazi ke, mu gihe hari abandi bagiye bashaka bagahindura ibitekerezo.

Ati “Ndashimira umutware wanjye yabaye udasanzwe mu kugira ngo nsohoze inzozi zanjye. Hari benshi twatangiriye rimwe cyangwa se abambanjirije, bagiye mu bindi ariko ndamushimira ko yashyigikiye inzozi zanjye. Yatumye menya ko nta mugore utabasha kugendera mu nkweto ndende ahubwo agorwa no kubona umufata ukuboko.”

Mu kiganiro yahaye itangazamakuru nyuma y’iki gikorwa, uyu mugore yavuze ko gushimira umugabo byaturutse ku bintu byinshi yagiye abona muri sosiyete, aho abagabo bamwe badashyigikira icyo umugore yumva ashaka gukora.

Ati “Muri sosiyete tubamo hari igihe usanga umugore avuga ngo umugabo wanjye ntabwo anyemerera gukora, cyangwa se twamaze kubana ahita yanga ko nongera gukora filime cyangwa kuzikina. Ariko, we yubaha ahantu cyane twahuriye. Akavuga ati ’ni impano idasanzwe, kandi iyo ubyitegereje ntabwo aba muri sinema cyane afite ukuntu antwara neza, ni umuyobozi mwiza cyane kuri njye’.”

Uyu mugore yashimiye abantu barimo Misago Willy Nelson wamuhaye umwanya muri ‘City Maid’, Issa Dusingizimana wamufashije akamushyira muri filime bwa mbere n’abandi.

Mu minsi yashize hadutse bamwe mu banyeshuri bavugaga ko bigishijwe mu ishuri rya Bahavu, bagaragazaga ko bababeshye bakabambura ndetse ntibahugurwe nk’uko bari babyijejwe. Uyu mugore avuga ko kuri iki kiba yagaragaje ko ari ibitero bya satani.

Ati “Ni ibitero bya Satani, aho ikintu cyiza nk’iki kigomba kuba ntabwo yari kwemera ko bigerwaho nta ntambara zibayeho byateguraga uyu munsi. Nta kintu kiza ngo gisige ibintu byose ari bibi.”

Muri iki gikorwa herekanwe igice cya kabiri cya filime ‘Bad Choice’ ya Bahavu, igaruka ku muntu wakoze amahitamo mabi mu rushaho rwe bikamugira ingaruka zitandukanye yaba mu marangamutima n’ahandi.

Bahavu kuri ubu yahaye impamyabumenyi ibyiciro birindwi by’abanyeshuri basoje amasomo yabo, ariko avuga ko n’abandi bashaka kwihugura muri sinema bagana ‘‘BahAfrica Entertainment’’.

Umukinnyi wa filime akaba na nyiri televiziyo yitwa Genesis TV, Niragire Marie France, uyobora Inama y’Igihugu y’Abahanzi ni umwe mu bari bitabiriye

Umuhanzi Racine yari ari muri iki gikorwa

Umugabo wa Bahavu, Ndayirukiye Fleury niwe wari uyoboye ubwo hatangwaga impamyabumenyi ku barangije kwiga sinema

Umuhanzi MR Hu uzwi mu njyana ya Country yahawe umwanya

Rukundo Paru uri iburyo nawe umaze kumenyekana muri sinema nyarwanda ni umwe mu bari bitabiriye iki gikorwa

Tumukunde Joselyne [iburyo] uri mu bakinnyi ba filime ndetse usanzwe ari umubyinnyi mu Inyamibwa ni umwe mu bahawe impamyabumenyi. Aha uyu mukobwa yatambukaga ku itapi itukura

Oxygen [uri ibumoso] usanzwe ari umuhanzi akaba n'umukinnyi wa filime ni umwe mu bahawe impamyabumenyi

Papa Cyangwe ni umwe mu bari bitabiriye

Mbabazi Gerard ni umwe mu bari bitabiriye

MC Nario uri hagati usigaye ari umwe mu bakinnyi ba filime bakorana bya hafi na Bahavu yari ari mu bitabiriye iki gikorwa

Kimenyi Tito na Judy bari babukereye

Killaman ni umwe mu batanze impamyabumenyi

Hano Bahavu yari yicaranye na Niragire Marie France akanyamuneza ari kose

Judy uzwi muri sinema no ku mbuga nkoranyambaga ni umwe mu bari bitabiriye

Dr Claude ni umwe mu bitabiriye iki gikorwa cya Bahavu

Gakwaya Celestin uzwi muri sinema nyarwanda mu myaka 10 irenga unakinana na Bahavu muri 'Bad Choice' ni umwe mu bari bitabiriye

Bishop Gafaranga na Annette Murava bari babukereye

Bahavu yinjije abakora sinema mu buryo butandukanye ku isoko ry'umurimo

Bahavu yavuze ko rwari urugendo rukomeye kugira ngo agere ku nzozi ze ariko ubu akaba yishimira ko umugabo we yamushyigikiye akazigeraho

Bahavu yashimiye abantu batandukanye barimo Misago Nelly Wilson bamufashije mu iterambere rye muri sinema

Bahavu ubwo yatambukaga ku itapi itukura

Abantu bamamaye muri sinema mu myaka yashize bari bitabiriye

Abantu 196 basoje amasomo yabo ajyanye na sinema

Abakinnyi ba filime bakorana bya hafi na bahavu bari bitabiriye

Wari umunsi w'ibyishimo ku basnzwe bazwi muri sinema

Aba ni bamwe mu banyeshuri 196 basoje amasomo yabo

Amafoto: Kasiro Claude