00:00:00 IGIHE NETWORK KN KINYARWANDA EN ENGLISH FR FRANCAIS

Amavuko ya DC Entertainment yatangiriye ku nkuru z’abana, ikaba ari ikimenyabose mufi filime

Yanditswe na Muyisenge Jean Felix
Kuya 15 June 2022 saa 08:51
Yasuwe :

Uteye icyumvirizo mu bantu bihebeye sinema, biragoye ko wasanga hari utazi filime nka The Batman, Super Man, Wonderwoman, Joker,The Flash n’izindi zitandukanye.

Hari n’abaryoherwa n’inkuru zizi filime zikunze kugaragaramo ikoranabuhanga rihambaye n’abantu bafite imbaraga z’akataraboneka bakunze kwitwa (Super Heroes) ariko ntibamenye ko nyinshi zanditswe kera cyane benshi muri bo bataranavuka.

Izi filime navuze haruguru zikorwa na sosiyete ya DC entertainment, ifite icyicaro mu mujyi wa Burbank uherereye muri Leta ya California yo muri Amerika.

Mu mwaka wa 1934, Umunyamerika witwa Malcolm Wheeler-Nicholson yatangije sosiyete yandika inkuru z’abana zishushashije, ‘Comic Books’, maze ayita National Allied Publications.

Iyi sosiyete yari ifite intego yo gusarura agatubutse ku isoko ry’izi nkuru ryari ryagutse muri icyo gihe.

Mu 1935 National Allied Publications yasohoye igitabo cya mbere gikubiyemo inkuru z’uruhererekane cyitwa New Fun: The Big Comic Magazine #1 kirakundwa cyane maze bituma basohora ikindi gitabo cya New Comics #1 mu mwaka wakurikiye.

Mu 1936 iyi sosiyete yiteguraga gusohora urundi ruhererekane rw’inkuru rwahawe izina rya Detective Comis, amikoro ababana make bituma iyi gahunda yigizwa imbere kugera mu 1937.

Iki gihe Wheeler-Nicholson yari afite ibibazo by’amadeni bituma ashaka umwunganizi bafatanya kugira ngo iki gitabo gisohoke. Umwunganizi we yari Harry Donenfeld wari ufite ikinyamakuru The Pulp Magazine.

Uku kwihuriza hamwe kwatumye havuka sosiyete ya Detective Comics Inc.(DC), nyuma Donenfeld agura imigabane yose Wheeler-Nicholson yari afite muri National Allied Publications maze yegukana iyi sosiyete.

Mu mwaka wa 1951 DC yasohoye filime ya mbere y’amashusho ishingiye ku nkuru zabo, bayita Superman and the Mole-Men.

Mu 1969 sosiyete itunganya filimi ya Warner Bros yaguze DC maze ihinduka ishami ryayo.

Kugera mu 1980, DC yari imaze gusohora inkuru zirimo Super Man (1937), Batman (1939), Wonder Woman (1941), Green Lanten(1940), Aquaman(1941), The Flash(1940) na Cyborg (1980).

Mu 1979 sosiyete ya ‘Atari’ ikora imikino yo kuri mudasobwa (Video Games), yahawe uburenganzira bwo gukora umukino wa Superman maze bifungurira irembo indi mikino irimo aba “superheroes” yahimbwe na DC.

Mu rwego rwo kwagukura ibikorwa byo gukora filime,Video games no gukomeza kwandika ibitabo ikarushaho no guhangana na mukeba w’ibihe byose, Marvel yari imaze kugurwa na Disney, Warner Bros yafunguye sosiyete ya DC entertainment muri 2009.

Kuva DC yatangira gukora filime, The Dark Knight niyo imaze kwinjiza amafaranga menshi kurusha izindi cyane ko ubu imaze kwinjiza asaga miliyoni 533$.

Mu zakozwe nyuma yo gutangiza DC Entertainment, the Dark Knight Rises ni yo yinjije menshi cyane kuko agera kuri miliyoni 448.14$

Ubu DC imaze gusohora filime zisaga 28 n’izindi 80 zishushanyije. Banakora video games zitandukanye zishingiye ku bakinnyi bagaragara mu nkuru zabo.

Filime za DC ziri mu zakunzwe cyane ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .