Uko Kwizera yahuye na Sauti Sol agatangira kuyicurangira Guitar bass mu ndirimbo zayo

Yanditswe na Uwiduhaye Theos
Kuya 5 Gicurasi 2020 saa 01:40
Yasuwe :
0 0

Yvan Kwizera benshi bazi nka Ivano Bass ni umwe mu bahanga bakomeye mu gucuranga guitar bass ndetse amaze imyaka 12 abikora nk’akazi ka buri munsi. Uyu musore aherutse no gucuranga mu ndirimbo iherutse kujya hanze ya Sauti Sol yitwa ‘Brighter days’.

Kwizera amaze imyaka 12 akora aka kazi ariko imyaka umunani niyo avuga ko amaze abikora nk’umwuga. Uretse gucuranga akora n’ibindi bijyanye n’umuziki nk’umuririmbyi ndetse akanacuranga Acoustic Guitar na piano.

Yavuze ko yahuye bwa mbere na Sauti Sol mu mwaka 2017, kuva ubwo agatangira gukorana nayo.

Ati “Sauti sol twahuye 2017 i Nairobi mu mushinga bari barimo gukora muri studio. Mu 2018 natangiye gukorana nabo byeruye nk’umucuranzi wabo wa guitar bass.”

Uretse Sauti Sol, abandi bahanzi bamaze gukorana ni benshi barimo nka Kidum(Burundi), Davile ( Jamaica), P-square ( Nigeria ) , Pilani Bubu(Afurika y’Epfo), Isaiah Katumwa ( Uganda ) nabo muri Kenya nka Sage, Idd Aziz , Fena, Nyashinski ( Kenya) n’abandi.

Yacuranze bassline y’injyana y’indirimbo yitwa Wake Up yifashishijwe muri filime y’uruhererekane y’abana izwi nka Thomas & friends.

Mu buzima bw’umuziki, Kwizera ari gukora album ye bwite izasohoka mu mpera z’uyu mwaka hatagize igihinduka.

Uyu musore yavukiye i Bujumbura mu 1989. Yize amashuri yisumbuye muri Lycée Clarté Notre Dame de Vugizo naho kaminuza ayiga muri Université Lumière de Bujumbura.

Abantu bamumenye kubera indirimbo nka Extravaganza , Suzanna na Brighter Days za Sauti Sol ndetse niwe wacuranze indirimbo zose ziri kuri album y’iri tsinda bise ‘Midnight train’ izajya hanze muri Kamena 2020.

Iyi album ya gatanu izaba igizwe n’indirimbo 20. Izaba iriho indirimbo zo mu njyana zitandukanye zirimo n’izo mu njyana ya Rumba ndetse hariho n’izo bakoranye n’abahanzi bakomeye batandukanye.

Umva umurya wa guitar bass wacuranzwe na Ivano Bass

Ivano Bass na Polycarp Otieno wo mrui Sauti Sol uzwiho gucuranga guitar sol
Ivano afite ubuhanga buhambaye mu gucuranga guitar bass

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .