Mani Martin yaririmbye ku musore wakunze indaya akabura amahwemo

Yanditswe na Uwiduhaye Theos
Kuya 19 Mutarama 2020 saa 12:13
Yasuwe :
0 0

Maniraruta Martin wamamaye mu muziki nka Mani Martin yakoze indirimbo irimo inkuru y’umuhungu wakunze umukobwa ukora uburaya kugera aho yenda gusara.

Iyi ndirimbo ya Mani Martin yagiye hanze kuri uyu wa Gatandatu tariki 18 Mutarama 2020. Yakozwe mu buryo bw’amajwi na Clement The Guitarist, itunganywa neza na Nizbeats.

Hari aho agira ati “Urasa naho uhari kandi nabwo udahari gusa umutima wanjye wifuza kuguhorana, nzirikana uko twahuye, wari utegereje uwaza wese. Ngo wishakiraga ubuzima, waranyakiriye numva unyuze umutima ukunda, natekereza ko wasubirayo, umutima nkabura amahwemo. Umbwira ko wowe utagira ugukunda, wibonera gusa abakwifuza […] ugumanye nanjye nakwibagiza amajoro y’imbeho.”

Mani Martin yabwiye IGIHE ko inganzo y’iyo ndirimbo yaje bisanzwe akumva yakwandika indirimbo ivuga ku nkuru imeze gutyo kuko nabyo bijya bibaho.

‘Amahwemo’ niyo ndirimbo ya mbere Mani Martin ashyize ahagaragara mu 2020, ikaba ari nayo ndirimbo ya mbere akoranye na Clement The Guitarist abantu bamenyereye mu itsinda rya Kesho band, umaze igihe gito atangiye umwuga wo gutunganya indirimbo.

Mani Martin w’imyaka 31 yavukiye ahitwa Ntura mu Karere ka Rusizi, mu Ntara y’Iburengerazuba. Yabanje kuririmba indirimbo zihimbaza Imana nyuma ajya no mu byo kuririmba izivuga ku buzima busanzwe.

Reba indirimbo Mani Martin yahimbye akomoye inganzo ku musore ushobora gukunda umukobwa kandi abizi neza ko akora uburaya

Mani Martin yakoze mu nganzo ku musore wabuze amahwemo kubera urukundo yakunze indaya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .