00:00:00 IGIHE NETWORK KN KINYARWANDA EN ENGLISH FR FRANCAIS

Impamvu Davis D atataramiye mu mujyi wa Paris

Yanditswe na Mahoro Vainqueur
Kuya 11 September 2022 saa 11:22
Yasuwe :

Umuhanzi Davis D umaze iminsi azenguruka umugabane w’u Burayi mu ruhurirane rw’ibitaramo yise Afro Killa Concert, kuri uyu wa Gatandatu ntabwo yataramiye abatuye i Paris mu Bufaransa nkuko yari yabibijeje.

Uyu muhanzi ugiye kumara ukwezi ku mugabane w’i Burayi yihanganishije abari bamutegereje, bakamubura avuga ko byatewe n’ikibazo cyabaye hagati ye n’uwateguraga ibitaramo.

Mu bisobanuro yatanze yagize ati “Ndisegura ku bakunzi banjye b’i Paris kubwo kutubahiriza amasezerano k’uwateguye igitaramo byatumye ntaririmbira abakunzi banjye.”

Davis D avuga ko yakoze ibishoboka byose harimo no kubahiriza amasaha ariko birangira atabonaye n’abakunda ibihangano bye.

Ati “Njye nagereye ku gihe ahari kubera igitaramo ariko ntibyakunze ko kontaramira abakunzi banjye ku mpamvu zitanturutseho.”

Ku bazi umujyi wa Paris, iki gitaramo cyari kubera 93 Rue de Stalingrad 93100 Montreuil. Kuwa Gatanu tariki 9 Nzeri yari yabanje gutaramira mu mujyi wa Lille.

Davis D aheruka mu Burayi ku wa 11 Nyakanga 2022 aho yari yatashye atarangije ibitaramo kuko viza ye yari igiye kurangira.Uyu muhanzi yasubiye kuri uyu mugabane ku mugoroba wa tariki 14 Nyakanga 2022.

Nyuma yo kuva mu Bufaransa arateganya gukomereza ibitaramo bye mu Budage, Pologne n’ahandi.

Davis D yatangaje ko atari we watumye igitaramo cye kitaba i Paris
Davis D na Bagenzi Bernard ubwo baheruka muri Pologne basuye Ambasaderi w'u Rwanda muri icyo gihugu Prof Shyaka Anastase

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .