00:00:00 IGIHE NETWORK KN KINYARWANDA EN ENGLISH FR FRANCAIS

Harmonize yafungiwe muri Kenya

Yanditswe na Uwiduhaye Theos
Kuya 1 May 2022 saa 04:13
Yasuwe :

Umuririmbyi w’Umunya-Tanzania, Rajab Abdul Kahali, wamenyekanye nka Harmonize yafungiwe muri Kenya ashinjwa guhabwa amafaranga ngo aririmbe mu tubyiniro dutandukanye ntabikore.

Ikinyamakuru The Star cyo muri Kenya cyatangaje ko Harmonize yafunzwe nyuma yo gukorera igitaramo ahitwa KICC i Nairobi. Yatawe muri yombi kuri iki Cyumweru tariki 1 Gicurasi 2022 ariko afungurwa nyuma y’amasaha make.

Yafunzwe kubera ko sosiyete ya Melamani Limited isanzwe itumira abahanzi itanyuzwe n’uburyo uyu muhanzi yitwaye mu gitaramo, igahitamo kujya kumurega kuri polisi.

Uyu muhanzi hari ibitaramo byari kubera mu tubyiniro atigeze aririmbamo, kandi yishyuwe amafaranga yose.

Yagombaga kuririmbira ahitwa Kenyatta International Convention Centre (KICC) mu gitaramo cyiswe Afrika Moja Concert n’ahitwa Captains Lounge.

Yagombaga kujya kandi muri ‘Meet and Greet’ ahitwa Cocoricco kuri uyu wa Gatandatu tariki 30 Mata 2022 ariko abari bamutumiye ntibanyuzwe n’uburyo yitwaye kandi yari yishyuwe.

Mu masezerano ye Harmonize yari kuririmba isaha imwe n’igice ahitwa Captains Lounge ariko yaririmbye iminota itanu gusa. Ibi byose bikaba aribyo byarakaje abari bamutumiye.

Harmonize yageze muri Kenya, ku wa Gatanu yagombaga kuhava kuri iki Cyumweru. Yatawe muri yombi yitegura kuva muri iki gihugu.

Kuwa Gatanu, uyu muhanzi yishimanye n’abakunzi be muri zimwe muri club zo muri Nairobi ariko bamwe ntibishimire uburyo yitwaye kuko bumvaga yabaririmbira kandi mu masezerano yari yagiranye na ba nyirazo bitarimo.

Umunyarwenya Eric Omondi wari kumwe na Harmonize, yavuze ko habayeho kwitiranya icyo Harmonize yagombaga gukora n’icyo yakoze. Yavuze ko yagombaga guhura n’abafana be bakaganira, ibizwi nka “meet and greet”.

Yavuze ko abantu bakwiye gutandukanya igitaramo no guhura n’abafana bagasangira.

Eric Omondi yavuze ko Harmonize atari kuririmba mu kabyiniro, ko n’ibyo yakoze ari umusogongero yatanze ikindi akabyiniro kakaba kaba ari gato ku buryo atari kuririmbira abantu yisanzuye.

Harmonize yari afungiye kuri sitasiyo ya Polisi ya Kileleshwa mu Mujyi wa Nairobi.

Nyuma yo gufungurwa yabwiye abakunzi be ko bamwitega mu kabyiniro ka Volume Club 001 muri Mombasa.

Harmonize yafunzwe amasaha make ahita arekurwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .