00:00:00 IGIHE NETWORK KN KINYARWANDA EN ENGLISH FR FRANCAIS

Davis D yakiriwe n’imbaga y’abakunzi be i Burundi (Amafoto)

Yanditswe na Mahoro Vainqueur
Kuya 29 Ukuboza 2022 saa 07:25
Yasuwe :

Umuhanzi Icyishaka David uzwi nka Davis D wageze i Burundi ku mugoroba wo kuri uyu wa 29 Ukuboza 2022 yakiriwe nk’umwami muri iki gihugu afitemo igitaramo kizasoza umwaka wa 2022.

Uyu muhanzi ageze i Burundi nyuma y’umunsi umwe mugenzi we Juno Kizigenza ahageze bakazahurira mu gitaramo kimwe cyiswe ‘Party People’ kizaba ku wa 31 Ukuboza 2022 kuri Zion Beach mu Mujyi wa Bujumbura.

Ubwo yageraga ku kibuga cy’indege cyitiriwe Melchiol Ndadaye yakiriwe n’imbaga y’abakunda ibihangano bye bari baje bitwaje n’ibyapa byanditseho amazina ye.

Abakunzi bari bishimiye kumwakira bagendaga baririmba izina rye bagira bati "Davis , Davis , Davis D, Shine boy, Shine boy, ..." n’andi menshi.

Davis D ageze i Burundi nyuma y’amasaha ane ashyize ahagaragara indirimbo yasubiranyemo Big Fizzo yitwa ‘Truth or Dare’.

Umujyi wa Bujumbura urimo ibitaramo byinshi birimo abahanzi b’Abanyarwanda, guhera kuri Mike Kayiruhura wataramiye muri iki gihugu mu ijoro ryo ku wa 28 Ukuboza 2022, ndetse na Israel Mbonyi uhafite ibitaramo bibiri ku wa 30 Ukuboza 2023 no ku wa 1 Mutarama 2023.

Davis D na Juno Kizigenda bazahuza imbaraga n’abahanzi bagezweho i Burundi barimo, Drama T na Alvin Smith mu gitaramo kizafasha abakunzi b’umuziki bari muri iki gihugu gusoza umwaka wa 2022.

‘Truth or Dare (Remix)’ indirimbo nshya ya Davis D yahuriyemo na Big Fizzo

Davis D yakiriwe n'imbaga y'abakunzi b'umuziki we i Burundi
Abakunzi ba Davis D bakiranye urugwiro uyu muhanzi ugiye kubataramira mu gitaramo gisoza umwaka
Baje bitwaje ibyapa n'impapuro byanditseho amazina ya Davis D
Bishimiye kubona Davis D bwa mbere
Yakirijwe umwambaro wa Visit Burundi
Abakunzi b'umuziki wa Davis D i Burundi bari benshi ku kibuga cy'indege

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .