Uyu muhanzikazi yifashishije konti ye ya Instagram yasohoye urutonde rw’ibitaramo agiye gukorera mu bihugu bitandukanye mu cyo yise “International Tour.”

Ni ibitaramo yatangiye gukora kuva kuri uyu wa Gatandatu ahereye mu Mujyi wa Dubai muri Leta Zunze Ubumwe z’Abarabu, aho biteganyijwe ko azabisoreza muri Afurika y’Epfo.

Mu rugendo rw’ibitaramo azakorera mu bindi bihugu agaragaza urutonde rurerure ruriho Umujyi wa Kampala, Cotonou muri Benin, i Lubumbashi muri Congo ndetse by’umwihariko hakazamo na Kigali.

Uyu mukobwa agaragaza ko azataramira i Kigali ku wa Gatanu tariki 9 Kanama 2024, gusa ntabwo abazagira uruhare mu rugendo mu Rwanda baramenyekana neza.

Chley yatangiye umuziki mu 2021, ari nabwo yaje guhura n’abahanzi bakomeye iwabo muri Afurika y’Epfo bakagenda bamufasha, kugeza uyu munsi ubwo ari umwe mu bakomeye mu njyana akora y’Amapiano.

Reba “Komasava Remix”, imwe mu ndirimbo Chley yamamayemo yahuriyemo na Diamond Platnumz, Jason Derulo na Khalil Harisson

Chley ni umwe mu bahanzi bagezweho

Uyu mukobwa mu bihugu azataramiramo yashyizemo n'u Rwanda