00:00:00 IGIHE NETWORK KN KINYARWANDA EN ENGLISH FR FRANCAIS

Abaraperi bo muri Nigeria bijunditse Wizkid wavuze ko injyana yabo yapfuye

Yanditswe na Uwase Kevine
Kuya 5 Ukuboza 2022 saa 07:41
Yasuwe :

Abaraperi bo muri Nigeria barakariye bikomeye umuhanzi Wizkid, nyuma y’uko atangaje ko injyana ya rap muri icyo gihugu yapfuye.

Ni nyuma y’ikiganiro Wizkid yagiranye n’ikinyamakuru 10 Magazine cyo muri Australia mu minsi ishize, avuga ko afrobeat ari yo njyana igezweho, ko nta yindi ajya yumva.

Aho ni ho yavugiye ko injyana ya rap yapfuye kuko abaraperi bananiwe kuzana agashya, ariko bagenzi be ntibakira neza amagambo ye. Benshi bagize icyo batangaza ku mbuga nkoranyambaga.

Umuraperi Erigga mu butumwa yashyize ku rukuta rwe rwa Twitter, yagize ati "Kuki wakwica inzozi z’undi muntu, kuko izawe zabaye impamo? Ibaze inzozi z’abaraperi zaba zishwe kubera ibi bintu byasakaye ku mbuga nkoranyambaga."

Umuhanzi Ycee na we mu butumwa yashyize kuri Twitter, yagize ati "Ibyo Wizkid avuga ntabwo byumvikana, abaraperi bakora cyane mu ruganda rwa muzika, nta baterankunga, nta mafaranga, nta na kimwe, none urimo gushaka kubaseka? Oya ntabwo aribyo."

Nubwo hari abatishimiye amagambo yavuze, hari ibyamamare byo muri Nigeria byemeza ko injyana ya rap yapfuye.

Umukinnyi wa filime Nneka Adams we yemeza ko ibyo Wizkid avuga atigeze yibeshya, ahubwo bakwiye kumushimira kuba yababwije ukuri.

Ni mu butumwa yashyize ku rukuta rwe rwa Instagram agira ati "Wizkid ntiyigeze abeshya kuba yaravuze ko injyana ya rap yapfuye. Ahubwo mwagakwiye kumushimira kuko yababwije ukuri. Injyana ya rap yarapfuye."

Abaraperi bo muri Nigeria barakajwe n'amagambo ya Wizkid

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .