Abanyarwanda basogongejwe ku muco wo muri Sénégal mu gitaramo kidasanzwe (Amafoto)

Yanditswe na Dushimimana Ami Pacifique
Kuya 23 Gashyantare 2020 saa 02:10
Yasuwe :
0 0

Abahanzi babiri bo muri Senegal, Faada Freddy na N’Dongo D basusurukije abitabiriye igitaramo Live & Unplugged cyabereye i Kigali, cyibanda ku kugaragaza umuco wo muri Senegal, mu burengerazuba bwa Afurika.

Iki gitaramo cyabaye kuri uyu wa Gatandatu muri Kigali Conference and Exhibition Village hamenyerewe nka Camp Kigali, cyatangiye saa moya z’umugoroba kirangira ahagana saa yine, cyitabirwa cyane cyane n’umubare munini w ’abanyamahanga.

Habanje DJ Juls ashyushya abari aho binyuze mu miziki yavangaga, irimo indirimbo nyarwanda n’inyamahanga, akanyuzamo agashyiramo izo muri Senegal by’umwihariko.

Nyuma ya DJ Juls hajeho itsinda Daara J Family rigizwe n’abagabo babiri, Faada Freddy na N’Dongo D. Ni itsinda rizwiho kurapa, rikomoka muri Senegal.

Iri tsinda ryashimishije abitabiriye iki gitaramo mu ndirimbo nyinshi baririmbye, cyane ko bamaze ku rubyinirino amasaha agera kuri abiri.

Bavuyeho hasubiraho DJ Juls umwanya muto, maze igitaramo gisojwe bakomereza mu kwishimisha.

Dj Juls yabanje gushyushya abitabiriye igitaramo avanga imiziki
Faada Freddy ni umuhanga cyane mu gucuranga gitari
N'Dongo D na mugenzi we bashimishije benshi
Iki gitaramo cyitabiriwe ku bwinshi
Mu bitabiriye iki gitaramo harimo abanyamahanga benshi
Akanyamuneza kari kose ku bitabiriye igitaramo

Amafoto: Dushimimana Ami Pacifique


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza