00:00:00 IGIHE NETWORK KN KINYARWANDA EN ENGLISH FR FRANCAIS

Aba-Djs bo mu Rwanda na Nigeria baryohereje abanya-Kigali mu ruvange rw’imiziki igezweho (Amafoto)

Yanditswe na Mahoro Vainqueur
Kuya 4 September 2022 saa 09:04
Yasuwe :

Kuri uyu wa Gatandatu tariki 03 Nzeri 2022 abanya-Kigali banyuzwe n’umuziki wacuranzwe n’aba-Djs batandukanye bo mu Rwanda na Nigeria, bacuranze uruvange rw’imiziki igezweho bagaha ibyishimo abari bitabiriye.

Ni mu gitaramo ‘’Naija Meets Rwanda’ cyabereye muri Camp Kigali, aho cyitabiriwe n’aba Djs bafite amazina akomeye nka DJ Neptunez, Flava, Ice n’abandi. Bunganiwe n’aba Djs bo mu Rwanda barimo DJ Pius, Toxxyk, Marnaud, Tyga, Lou, Higa na Rusam.

Iki ni igitaramo cyarimo uruvange rw’imiziki itandukanye yiganjemo iyo muri Afurika, cyanasusurukijwe n’umuhanzi Camidoh wo muri Ghana.

Iki gitaramo cyateguwe na Shooters Lounge, cyarimo udushya twinshi aho abana b’imyaka icumi gusa bari baherekejwe n’umubyeyi wabo bagiye ku rubyiniro bakabyina imbyino zishimiwe cyane bafatanyije na MC Nario wari uyoboye iki gitaramo.

Ku ba-Djs bacuranze buri wese yari afite umwanya we dore ko hari hateguwe imyanya ibiri itandukanye buri wese acurangiramo ku buryo ntawabyiganye n’undi ngo abure aho acurangira.

Uko amasaha yagiye yicuma, MC Nario yageze aho asaba abakunda kubyina kwisanzura bakaza kubyinira kuri stage dore ko kuva ku itike ya nyuma ya make bari bashyiriweho inzira ibageza ku rubyiniro kuburyo ubishoboye wese yahageraga akabyinira abitabiriye iki gitaramo.

N’ubwo indirimbo nyinshi zari ziganjemo izo mu burengerazuba bw’Afurika, umuziki nyarwanda nawo wacuranzwe.

DJ Neptune wari utegerejwe na benshi yacuranze indirimbo nka “Big Time” ya Yvan Buravan anamwifuriza kuruhikira mu mahoro. Yacuranze izindi ndirimbo nyarwanda nka “Kucyaro” ya Misteak , “Sawa sawa” , ‘Bado’za Bruce Melodie ,’Inana’ ya Chris Eazy n’izindi.

Zimwe mu ndirimbo zagarutse ku rutonde rwa benshi muba DJs bacuranze harimo nka ‘Last last’, ‘Overdose’ , ‘Girl friend ’, Snap chats ‘ , ‘Suger Cane ‘ , ‘Kucyaro’, ‘Kwaku the Traveller’ , ‘Buga’, ‘Iyo’, ‘Sugba’ , ‘Sawa sawa’, ‘DEMO’ na ‘Bandana’.

Camidoh, umuhanzi wo muri Ghana wari watumiwe muri iki gitaramo yashimiye uburyo yakiriwe mu Rwanda, agaragaza ko akunda umurwa mukuru w’u Rwanda, Kigali.

Iki gitaramo cyasojwe na Dj Marnoud wazanye agashya acuranga anifashisha ingoma za Drums, kirangira Dj Toxxiky na DJ Pius badacuranze.

Dj Higa na Dj Rusam bitegereza uko bagenzi babo bitwara ku rubyiniro
MC Nario niwe wayoboye iki gitaramo
Ineza Amelia aririmbana na Camidoh, umuhanzi waje mu Rwanda aturutse muri Ghana
Ineza Amelia aririmbana na Camidoh indirimbo 'Sugar cane'
Ibyishimo byari byose ku bitabiriye iki gitaramo
Dj Neptune niwe Dj wavuye muri Nigeria wenyine wacuranze indirimbo z'abahanzi nyarwanda
DJ Neptune yacuranze indirimbo 'Big time' ya Yvan Buravan amwifuriza kuruhukira mu mahoro
DJ Neptune ubwo yari ageze ku rubyiniro
Dj Neptune niwe wakiriye umuhanzi Camidoh ku rubyiniro
Dj Neptune na Camidoh wamamaye mu ndirimbo Sugar cane banyuze abari bahuriye muri Camp Kigali
DJ Marnaud yazanye agashya acuranga anakoresha ingoma
Dj Marnaud yavuye ku rubyiniro igitaramo gihita gishyirwaho akadomo
DJ Marnaud yacishagamo akanaririmba
Dj Ice Prince waturutse mu gihugu cya Nigeria
DJ Higa na DJ Rusam bakoze iyi bwabaga bakaraga umubyimba
DJ Higa na DJ Rusam bishimiwe bikomeye muri iki gitaramo
Dj Flava waturutse muri Nigeria yahawe umwanya ashimisha abakunzi be
DJ Higa na DJ Rusam bahawe umwanya barushanwa mu kubyina
Camidoh yishimiye gutaramira mu Rwanda ku nshuro ye ya mbere
Camidoh yaririmbye indirimbo 'Sugar cane' abafana bose bahagurukira rimwe baririmbana nawe
Camidoh abaza niba DJ Higa ariwe wabyinnye neza
Camidoh wari umuhanzi muri iki gitaramo yatunguwe no kumva uyu mwana azi indirimbo ye
Ni igitaramo cyabaye n'umwanya mwiza wo gusabana hagati y'abakundana n'inshuti
Buri wese yisanzuraga uko abishoboye
Byageze aho abitabiriye iki gitaramo banyurwa n'uko aba bana bigaragaje babaha amafaranga
Buri wese yari mu itsinda rye kugira ngo abone abo babyinana
Iki gitaramo cyari cyitabiriwe n'abakunda umuziki ugezweho
Buri wese yari kumwe n'uwe bafatanya kwizihirwa n'igitaramo
Buri wese yabyinye anaririmba uko abyumva
Babyinnye biratinda, umwanzi aba ibihe
Amafoto n'amashusho by'urwibutso byafashwe ku bwinshi
Abakunzi b'umuziki banyuzwe n'indirimbo bacurangiwe
Byari ibyishimo ku bitabiriye iki gitaramo bari bafite n'icyo kunywa hafi
Aba bana banyuze benshi
Buri wese yifuzaga gutahana ifoto y'urwibutso
Dj Higa yageze aho nawe ajya kwerekana ubuhanga bwe mu kubyina
Keza Eliana na Ineza Amelia bahawe umwanya bagaragaza ibyo bazi mu kubyina
Keza Eliana na Ineza Amelia banyuze ku rubyiniro bagaragaza ko nabo bashoboye kubyina bigezweho

Amafoto: Nezerwa Salomon


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .