Tom Close agiye kumurika album ebyiri icyarimwe

Yanditswe na

Kalinda Brendah

Kuya 26 Ugushyingo 2014 saa 11:34
Yasuwe :
0 0

Umuhanzi Muyombo Thomas benshi bazi nka Tom Close agiye gushyira hanze album ebyiri ndetse akaririmba indirimbo zizigize mu buryo bwa live mu gitaramo cyo kuzimurikira abakunzi be amaze igihe ategura.
Mu kiganiro yagiranye na IGIHE, Tom Close yatangaje ko imyiteguro ayigeze kure mu gutegurira Abanyarwanda ibintu by’umwihariko kandi bizaryohera abazaza kwifatanya na we ku munsi w’igitaramo cye. Yagize ati “Imyiteguro nyimazemo igihe kandi nyigeze kure, ndi gutegurira Abanyarwanda ibintu (...)

Umuhanzi Muyombo Thomas benshi bazi nka Tom Close agiye gushyira hanze album ebyiri ndetse akaririmba indirimbo zizigize mu buryo bwa live mu gitaramo cyo kuzimurikira abakunzi be amaze igihe ategura.

Mu kiganiro yagiranye na IGIHE, Tom Close yatangaje ko imyiteguro ayigeze kure mu gutegurira Abanyarwanda ibintu by’umwihariko kandi bizaryohera abazaza kwifatanya na we ku munsi w’igitaramo cye.

Yagize ati “Imyiteguro nyimazemo igihe kandi nyigeze kure, ndi gutegurira Abanyarwanda ibintu byiza kandi nizeye ko bazabyishimira kuko ndi gushyiramo imbaraga zanjye zose”.

Yakomeje adusobanurira ko impamvu nyamakuru agiye gusohora album ebyiri icyarimwe ari uko buri mwaka aba agomba gusohora album ndetse by’umwihariko mu mwaka ushize wa 2013 ntibyamukundiye kubera gahunda nyinshi yagize zirimo no gushing urugo bityo ahitamo ko yazimurika zombi uyu mwaka.

Tom Close agiye gusohora album ebyiri avuga ko zizaba zifite umwihariko haba mu butumwa, mu miririmbire ndetse n’uburyo azagaragaramo ku rubyiniro kuko ngo hari intambwe ikomeye yateye ashaka kwereka Abanyawanda.

Yagize ati, “Mu myaka isanga 10 maze mu muziki ndashaka kwereka Abanyarwanda by’umwihariko abafana banjye ko hari urwego maze kugeraho kuko umuntu akura mu myaka, mu gihagararo no mu muziki ndashaka kubereka ko nakuze”.

Uyu muhanzi agiye gusohora album ebyiri imwe izaba yitwa ‘Ndakubona’ n’indi yitwa’ Isi’ ziyongera ku zindi enye yashyize hanze mu myaka yatambutse.

Tom Close mu myitozo ya Live

Yanadutangarije ko hazaba umwihariko wo kugurisha album ze za mbere kugira ngo abatarabonye amahirwe yo kuzibona babe bazigura ku buryo buboroheye.

Abamufasha kwitoza acuranga live

Igitaramo cyo kumurika album ebyiri za TomClose giteganyijwe Tariki 6 Ukuboza 2014 kizabera kuri Serena i Kigali aho azafatanya n’abahanzi bakorana muri Label ya KINA Music.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza