00:00:00 IGIHE NETWORK KN KINYARWANDA EN ENGLISH FR FRANCAIS

Ubwoko bw’inkweto umwuzukuru wa Joe Biden yaserukanye mu irahira rye bwaciye ibintu ku isoko

Yanditswe na Eric Tony Ukurikiyimfura
Kuya 23 Mutarama 2021 saa 06:32
Yasuwe :
0 0

Iyo ufite umunsi utoroshye kubera ubwinshi bw’amasaha, akenshi uhitamo kwambara inkweto zoroshye. Ni ko byagenze kuri Maisy Biden, umwuzukuru wa Joe Biden warahiriye kuyobora Leta Zunze Ubumwe za Amerika ku wa Gatatu.

Mbere y’uyu muhango, Maisy Biden, umwe mu buzukuru ba Joe Biden, yagaragaye yambaye inkweto za Nike zo mu bwoko bwa Air Jordan 1 Mid “Sisterhood”, byatumye benshi batangira kuzishakira ku rubuga ruzicuruza rwa StockX.

Uru rubuga rwa internet rwanditse kuri Twitter ko “ abagura izi nkweto bikujye kabiri (200%) mu masaha 24 nyuma y’irahira rya Perezida wa Leta Zunze Ubumwe za Amerika."

Izi nkweto zirimo izigura 125$ (hafi ibihumbi 123 Frw), ziboneka kandi kuri Flight Club ku giciro cy’agera ku $186 (asaga ibihumbi 183 Frw).

Abo mu muryango wa Visi Perezida wa Leta Zunze Ubumwe za Amerika, Kamala Devi Harris, na bo ntibatanzwe kwambara inkweto zigezweho.

Umugabo w’umwisengeneza wa Meena Harris, Nikolas Ajagu, yagaragaye yambaye inkweto za Air Jordan 1 OG Dior, zigura 2000$ (hafi miliyoni 1.97 Frw).

Abashakisha ibyerekeye ubu bwoko bw’izi nkweto biyongereyeho 280% mu gihe abazigura biyongereye 100% mu gihe cy’amasaha 24 nk’uko StockX yabitangaje kuri Twitter ku wa Kane.

Bamwe bavuga ko Ajagu na Maisy Biden bashobora kuba baraguze inkweto bambaye ku munsi w’irahira rya Perezida wa Leta Zunze Ubumwe za Amerika, mu mwaka ushize, ubwo inkweto Michael Jordan yakinanaga zagurishwaga ku bihumbi $615 (asaga miliyoni 605 Frw).

Umwuzukuru wa Joe Biden, Maisy Biden, yagaragaye yambaye inkweto za Air Jordan 1 Mid “Sisterhood”,
Ubwoko bw'inkweto za Air Jordan 1 Mid “Sisterhood” bwaguzwe cyane ku wa Kane nyuma y'uko Maisy Biden agaragaye azambaye
Ajagu hamwe n'abakobwa be babiri, Amara na Leela, yambaye Air Jordan 1 OG Dior
Abashaka inkweto za Air Jordan 1 OG Dior kuri StockX bikubye 280% nyuma y'umunsi umwe habayeho irahira rya Joe Biden

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .