00:00:00 IGIHE NETWORK KN KINYARWANDA EN ENGLISH FR FRANCAIS

Miss Aisha yakoze imyambaro ishishikariza abagore kwikunda (Amafoto)

Yanditswe na Mukahirwa Diane
Kuya 20 April 2022 saa 12:57
Yasuwe :

Umunyamideli Miss Uwase Aisha yakoze imyambaro yise ‘First me’ ishishikariza abagore n’abakobwa kwikunda no kubaho bishimye.

Uwase Aisha yitabiriye Miss Rwanda 2018 na 2020 na Miss Supranational 2019. Uyu mukobwa kandi ni umwe mu banyempano batsinze irushanwa rya Art Rwanda-Ubuhanzi mu gice cy’imideli.

Nyuma yo gutsinda muri Art Rwanda-Ubuhanzi, byamufashije kwagura impano ye yo guhanga imideli, atangira kujya akora imyambaro itandukanye yasabwe n’abakiriya nyuma aza gukora iyo yitekerereje igizwe n’imyambaro itandatu.

Miss Aisha iyi myambaro ayikora abinyujije mu nzu y’imideli yise ‘A I S H A’ ikora imyambaro itandukanye yibanda cyane ku yambarwa n’abo mu idini ya Islam.

Mu kiganiro na IGIHE, Miss Aisha yavuze ko yakoze iyi myambaro kugira ngo yibutse abagore n’abakobwa ko bagomba kwikunda no kwiyishimira bo ubwabo.

Ati “Twise imyambaro yacu ‘First me’ mu Kinyarwanda bishatse kuvuga ngo ‘Ni njye ubanza’, kugira ngo dushishikarize abagore kwikunda ndetse no kwishimira ibyo bagezeho.”

Yakomeje avuga ko ubuzima bubamo ibyiza n’ibibi kandi ko ibyo wanyuramo byose uba ugomba kwishimira ko uriho kandi ukikunda kurusha ibindi byose.

Uwase Aisha ari mu banyempano 68 b’icyiciro cya mbere cy’irushanwa rya ArtRwanda-Ubuhanzi bashyizwe ku isoko ry’umurimo mu minsi ishize.

Ushaka imyambaro ya Miss Aisha cyangwa ibindi bikorwa bye yabisanga kuri Instagram ku izina ‘Aisha Div’

Uyu mwambaro wiswe JAWARIA Ankara
Uyu mwambaro wiswe FAUZIA
Uwase Aisha ari mu banyempano 68 b’icyiciro cya mbere cy’irushanwa rya ArtRwanda-Ubuhanzi
SHAZIA umwe mu myambaro yo muri Collectioon ' First me'
Miss Aisha yavuze ko yakoze iyi myambaro kugira ngo yibutse abagore n’abakobwa ko bagomba kwikunda no kwiyishimira bo ubwabo
Miss Aisha usanzwe amurika imideli niwe wimurikira imyambaro
Miss Aisha yibanda ku myambaro yambarwa n'abo mu idini ya Islam
MAHNOOR, umwe mu myambaro ishishikariza abagore kwikunda
Imyambaro yiswe First me ishishikariza abagore kwikunda no kwishimira ibyo bagezeho
Kuri Miss Aisha yizera ko uko ubuzima bwaba bumeze kose umuntu agomba kwishima

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .