00:00:00 IGIHE NETWORK KN KINYARWANDA EN ENGLISH FR FRANCAIS

Mercedes-Benz Fashion Week igiye kongera kuba

Yanditswe na Uwiduhaye Theos
Kuya 17 Gicurasi 2021 saa 10:17
Yasuwe :
0 0

Ibirori bya Mercedes Benz Fashion Week Kigali byabereye mu Rwanda bwa mbere mu 2019 byamurikiwemo imideli itandukanye yiganjemo iyahanzwe n’Abanyarwanda, bigiye kongera kuba ku nshuro ya kabiri.

Ndayishimiye Daniel yabwiye IGIHE ko bari kwakira ubusabe bw’abazitabira ibirori bya Mercedes-Benz Fashion ndetse ko mu minsi iri imbere bazatangaza igihe bizabera.

Ati “Turi kwakira ubusabe bw’abahanga imideli bifuza kuzerekana imideli yabo muri Mercedes-Benz Fashion Week Kigali ya kabiri iteganyijwe uyu mwaka. Mu minsi iza tuzatangaza igihe ibirori bizabera.”

Mercedes Benz Fashion Week ni ibirori byihariye kandi bifite izina rikomeye muri Ghana aho bimaze imyaka myinshi bibera. Ibyabereye mu Rwanda byahuje abantu b’ingeri zitandukanye baturutse mu bihugu byose bya Afurika.

Ibi birori ubwo byabaga byabimburiwe no kwifotoza kw’abanyamideli mu myambaro isanzwe (Street Style) mu gikorwa cyabereye hanze ya Kigali Convention Centre mbere y’uko ibirori nyir’izina bitangira.

Ibirori bya Mercedes Benz Fashion Week Kigali ni ku nshuro ya mbere byari bibereye mu Rwanda, rwabaye igihugu cya kabiri muri Afurika byari bibereyemo nyuma ya Ghana aho bibera mu Mujyi wa Accra.

Abahanga imideli bashobora gusaba kuzigaragaza muri ibi birori
Abahanga imyambaro y'igitsina gore bahawe urubuga
Abahanga imyambaro y'abagabo na bo bemerewe kwiyandikisha
Mercedes Fashion week ni kimwe mu bitaramo by'imideli bikomeye bibera mu Rwanda
Merces Fashion Week yamurikiwemo imyambaro myinshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .