00:00:00 IGIHE NETWORK KN KINYARWANDA EN ENGLISH FR FRANCAIS

Abahanga imideli bakizamuka bahawe rugari muri Mercedes-Benz Fashion Week (Amafoto)

Yanditswe na Uwiduhaye Theos
Kuya 20 May 2022 saa 07:52
Yasuwe :

Abahanzi b’imideli batandukanye bakizamuka bo mu Rwanda bahawe rugari mu birori bya Mercedes-Benz Fashion Week Kigali iri kubera mu Mujyi wa Kigali.

Mercedes-Benz Fashion Week Kigali iri kuba guhera ku wa 16 Gicurasi, izarangira ku wa 21 Gicurasi 2022.

Yatangijwe n’ikiganiro n’abanyamakuru cyabereye kuri M-Hotel ku wa 16 Gicurasi, ku wa 17 Gicurasi habayeho ikiganiro cyahurije hamwe abo mu ruganda rw’imideli mu Rwanda n’abo hanze bitabiriye ibi birori aho bareberaga hamwe ku iterambere ry’uru ruganda. Iki cyabereye muri Norrsken.

Kuri uyu wa Kane, tariki 19 Gicurasi 2022, habayeho kwerekana imideli y’abahanzi bayo bakizamuka mu Rwanda. Aha herekanywe imideli y’abahanzi bayo 10 ndetse n’abayimuritse ni abataramenyekana cyane. Iki gikorwa cyabereye muri M-Hotel.

Mu myambaro yerekanwe harimo iy’inzu zihanga imideli z’abahanzi bayo bakizamuka barimo nka Jarah yatangijwe na Umuhoza Linda uheruka kwinjira mu byo guhanga imideli umwaka ushize nyuma y’imyaka itandatu yari amaze ayimurika.

Hari kandi Inkingi Designs, Fashion Forward, A& M Kigali Urban, Ntare Gitare, Koni Clothing n’abandi.

Abanyamideli batambukaga baherejwe n’umuziki waririmbwaga n’umuhanzi Christopher na Mike Kayihura.

Biteganyijwe ko kuri uyu wa Gatanu habaho isangira ry’abantu batandukanye mu ruganda rw’imideli.

Igikorwa nyir’izina giteganyijwe ku wa Gatandatu tariki 21 Gicurasi, kizabera muri Crown Conference Hall. Aha ho hazerekanwa imyambaro y’abayihanga bakomeye muri Afurika no mu Rwanda bamaze kubaka izina ndetse n’abazayimurika n’abamaze kugira amazina afatika.

Abafite inzu zihanga imideli zitandukanye bazitabira iki gikorwa barimo Dmarsh Couture na Qaal Design muri Leta Zunze Ubumwe za Amerika; hari abo muri Ghana nka Zulera Couture, Bushai Weave, Arshia Wilson, Stallion Outlook, Quophie Akotua na Abrantie The Gentleman.

Harimo kandi abandi bo muri Nigeria nka Neopele Concept, Chedars Clothing, Saint Calypso na Shushi Designs.

Harimo Abanya-Uganda nka Kai Divo, Larry Casual na Jonjo Fashion. Abazaturuka muri Afurika y’Epfo nka Georges Malelu na Thandopiliso.

Abanyarwanda bazaseruka barimo Boldy Bonza, Delphinez, Kamakiza Couture, Fathia Collection na Elomelo washinze Izubaa.

Harimo Bylilly uzaturuka muri Kenya, Mary Martin London wo mu Bwongereza, Lord Gilles wa Canada, Lily Alfonso wo muri Malawi ndetse na Zado Design wo muri Tanzania.

Elomelo yagiye yambika ibyamamare bitandukanye ubwo yakoranaga na Vogue. Hari kandi Mary Martin London uyobora igice cy’ubugeni n’imideli mu Biro by’u Bwongereza bishinzwe Iterambere mu Muryango wa Commonwealth [UK Foreign Commonwealth and Development Office].

Mary Martin London ni we wasimbuye Victoria Beckham, umugore wa David Beckham kuri uyu mwanya, yakoze amateka yo kuba umwirabura wa mbere wawuhawe ndetse ni ku nshuro ya mbere azaba ageze mu Rwanda.

Abanyamideli bamuritse imyambaro ya A&M Kigali Urban ubwo bari bamaze kunyura imbere y'abantu bongeye kugaruka babasezera
Abamurika imideli batandukanye bari babukereye
Uwashinze A & M Kigali Urban yiyereka abari bateraniye muri iki gikorwa
Umuntu wambaye iyi myambaro ya A & M Kigali Urban ni uku aba ameze umuturutse inyuma
Iyi myambaro yihariye yanyuze abari mu cyumba yerekaniwemo
Iyi myambaro yari ifite umwihariko wo kuterekana mu maso
Ubwo herekanwagwa imyambaro ya A & M Kigali Urban
Mercedes-Benz Fashion Week Kigali iri kuba ku nshuro ya kabiri, yaherukaga mu 2019
Fashion Forward yagaragaje imyambaro yayo muri Mercedes-Benz Fashion Week Kigali
Inkingi Designs yahanyuranye umucyo
Imyambaro ya Inkingi Designs yerekanwa
Ibirori bya Mercedes Benz biteganyijwe ku wa Gatandatu
Amakanzu ya Inkingi Designs yerekanwe ni uku ateye
Ni ubwa mbere imyambaro ya Jarah yari yerekanywe mu birori bikomeye
Imyambaro ya Jarah yatangijwe na Umuhoza Linda uheruka kwinjira mu byo guhanga imideli umwaka ushize nyuma y’imyaka itandatu yari amaze ayimurika yerekanywe
Ku wa Kane, tariki 19 Gicurasi 2022, habayeho kwerekana imideli y’abahanzi bayo bakizamuka mu Rwanda
Kuri yi nshuro Mercedes-Benz Fashion Week Kigali yahaye rugari abahanzi b'imideli bakizamuka
Imyambaro y'ubwoko butandukanye yerekanywe muri iki gikorwa
Ni ibirori byari bibereye ijisho
Umuyobozi wa Inkingi Designs nyuma yiyerekanye imyambaro yahanze imaze kwerekwa abari bitabiriye
Fashion Forward yagaragaje imyambaro y'abasore n'inkumi
Abanyamideli batambukaga baherekejwe n’umuziki waririmbwaga n’abahanzi Christopher na Mike Kayihura
Imyambaro ya Ntare Gitare yerekanwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .