Simi yageneye ubutumwa abanya-Kigali agiye gutaramira bwa mbere

Yanditswe na Uwiduhaye Theos
Kuya 27 Ukuboza 2018 saa 08:45
Yasuwe :
0 0

Ku wa 31 Ukuboza 2018, umuhanzikazi Simisola Bolatito Ogunleye, wamamaye mu muziki nka Simi azataramira Abanya-Kigali ku nshuro ye ya mbere.

Uyu muhanzikazi wo muri Nigeria wigwijeho abakunzi mu ndirimbo yise ‘Joromi’ yatangarije abanyarwanda ko afite amashyushyu yo kuza mu Rwanda ku nshuro ye ya mbere.

Abinyujije kuri Instagram yabanje arandika ati “Kigali ndaje! Ni ku nshuro ya mbere ariko ndishimiye by’ikirenga. New Year Count Down, ku wa 31 Ukuboza 2018, Imana ikomeze kuturinda.”

Mu mashusho yaherekesheje ubu butumwa uyu mukobwa w’imyaka 30 yaririmbye Joromi imaze kwamamara cyane.

Arangije ati“Muraho Kigali! Ni Simi nzaba ndi kubataramira imbona nkubone mu gitaramo cyo gusezera umwaka wa 2018 kizaba ku wa 31 Ukuboza kuri Kigali Convention Centre.”

“Nzaba ndi kumwe na Bruce Melodie, King James na Charly & Nina. Rero muzaze dusangire ibyishimo muri icyo gihe turi kumwe.”

Simi yakunzwe mu bihangano bitandukanye birimo ‘Joromi’, ‘Love Don’t Care’, ‘Soldier’ yahuriyemo na Falz, ‘I Dun Care’, Hallelluya’ yafatanyije na John Drille, ‘Gone For Good’ n’izindi.

Uretse aba bahanzi bo mu Rwanda yavuze, muri iki gitaramo azanahuriramo na Patoranking ndetse na Incredible Zigi.

Imiziki izifashishwa muri iki gitaramo izavangwa n’aba-Dj batandukanye barimo DJ Miller, DJ Toxxyk na DJ Waxxy uzaba aturutse muri Afurika y’Epfo.

Kwinjira muri iki gitaramo cyataziriwe ‘New Year Count Down’ bizaba ari 20 000 Frw.

Joromi ya Simi, iri mu ndirimbo ze zakunzwe cyane mu Rwanda

Abakunzi ba Simi bagiye kumubona i Kigali aririmba 'Joromi', 'Love Don't Care' n'izindi
Simi mu gitaramo yaherukaga gukorera i Lagos muri Nigeria
Simi yashishikarije abanyakigali kuzaza mu gitaramo bagasangira ibyishimo
Simi yavuze ko ari iby'ikirenga kuba agiye kuza mu Rwanda ku nshuro ye ya mbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza