00:00:00 IGIHE NETWORK KN KINYARWANDA EN ENGLISH FR FRANCAIS

Kiʻilani Arruda yambitswe ikamba rya Miss Teen USA 2020

Yanditswe na Uwiduhaye Theos
Kuya 8 Ugushyingo 2020 saa 07:48
Yasuwe :
0 0

Umukobwa w’imyaka 19 witwa Kiʻilani Arruda uvuka mu Mujyi wa Kapaa muri Leta ya Hawaii muri Amerika, yambitswe ikamba rya Miss Teen USA 2020 ahigitse abandi bagenzi be bagera kuri 50.

Ni mu birori byabaye ku mugoroba wo kuri uyu wa Gatandatu tariki 7 Ugushyingo 2020, ahitwa Elvis Presley’s Graceland mu Mujyi wa Memphis muri Leta ya Tennessee.

Shayla Montgomery wo muri Oregon yabaye igisonga cya mbere mu gihe uwitwa Shayla Jackson wo muri Georgia yahawe ikamba ry’igisonga cya kabiri; mu gihe Audrey Eckert wo muri Nebraska yabaye igisonga cya gatatu naho Sydney Taylor wo muri Louisiana akaba igisonga cya kane.

Iri rushanwa ryari kuba mu ntangiriro z’uyu mwaka ariko ryigizwa inyuma kubera Coronavirus. Muri Kanama uyu mwaka abaritegura batangaje ko rigiye kuba ariko hagakurikizwa amabwiriza yo kwirinda iki cyorezo.

Kiʻilani Arruda wegukanye iri kamba ryatangwaga ku nshuro ya 38, yari aherutse kwambikwa ikamba rya Miss Hawaii Teen USA 2020; ari nawo mujyi akomokamo.

Arruda ufite amaraso ya Philippines afite abavandimwe babiri bavukana nawe bato [umukobwa n’umuhungu]. Musaza we afite uburwayi bwa Autisme bwanatumye ahagurukira gukorera ubuvugizi ababana n’ubu burwayi kubera we.

Autisme ni uruhurirane rw’ibibazo by’imyitwarire bijyanye n’ibibazo byo kwisanga mu muryango ndetse no gutinda kuvuga bijyana n’ubufura ku mwana ukiri muto.

Umwaka ushize ikamba rya Miss Teen USA 2019 ryambawe na Kaliegh Garris. Uyu mukobwa ufite amaraso yo muri Afurika ari mu bakobwa bakoze amateka umwaka ushize cyane ko benshi mu bakurikirana amarushanwa y’ubwiza bavuga ko uri mu myaka yahiriye abakobwa birabura.

Uyu mukobwa kimwe n’abandi biraburakazi nka Cheslie Corrinne Kryst wabaye Miss USA 2019 , Nia Imani Franklin wabaye Miss America 2019 na Zozibini Tunzi wo muri Afurika watorewe kuba Miss Universe 2019; bari mu bahiriwe cyane n’umwaka wa 2019.

Miss Teen USA ni murumuna wa Miss America, irushanwa rikomeye rihuza abakobwa bamaze guca akenge.

Arruda akimenya ko ikamba rya 2020 ari irye yasabwe n'ibyishimo
Ibyishimo byari byose nyuma yo kumenya ko ariwe wambitswe iri kamba
Iri rushanwa ryabaga ku nshuro ya 38

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .