Canada: Cécile Kayirebwa n’Umurage-Héritage bakoze igitaramo kibutsa umuco Nyarwanda (Amafoto)

Yanditswe na Karirima A. Ngarambe
Kuya 10 Nzeri 2018 saa 11:53
Yasuwe :
0 0

Umuhanzikazi Cécile Kayirebwa afatanyije n’ishyirahamwe Umurage-Héritage, bashimishije abanyarwanda n’inshuti za bo zitabiriye igitaramo bakoreye mu Mujyi wa Montréal muri Canada.

Ishyirahamwe Umurage-Héritage rigizwe n’Urubyiruko rw’abana b’abanyarwanda rwavukiye cyangwa rugakurira muri Canada.

Muri iki gitaramo cyiswe Soirée Gakondo, Kayirebwa yataramiye abanyarwanda n’ishuti zabo mu ndirimbo ze zikunzwe. Cyaranzwe kandi n’imbyino gakondo z’abagize Umurage-Héritage.

Kayirebwa yavuze ko yashimishijwe cyane n’uburyo yasanze uru rubyiruko rukorera kuri gahunda kandi bazi icyo bashaka n’aho bagana.

Ati “Nzabavuga ibigwi aho nzaba ndi hose, kuko muri urugero rwiza, mu kunda igihugu n’umuco wacyo birashimishije kubabona no gukorana namwe.”

Myriam Ntashamaje, umwe mu bashinze Umurage-Héritage, yabwiye IGIHE ko intego yatumye bateguta iki gitaramo yagezweho.

Ati "Benshi badusabye ko iyi gahunda ya Gakondo twanayigira umushinga wazakorwa no mu yindi mijyi minini muri Canada nka Ottawa, Toronto n’ahandi".

Ishyirahamwe Umurage-Héritage ryashinzwe muri 2012 n’urubyiruko rwiyemeje kujya rutegura ibitaramo biri ku rwego ruhanitse mu kumenyekanisha Rwanda n’umuco warwo.

Abagize ishyirahamwe Umurage-Héritage bibukije abitabiriye iki gitaramo umuco Nyarwanda
Abakobwa bateze amaboko bya Kinyarwanda
Cécile Kayirebwa yashimiye urubyiruko rwiyemeje gusigasira umuco
Ni igitaramo cyaranzwe n'imbyino gakondo
Umuhanzikazi Cécile Kayirebwa yanyuze abitabiriye igitaramo Soiree Gakondo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza