Ibi birori byabaye kuri iki Cyumweru tariki 30 Mata 2023, aho ibyamamare bitandukanye byari byabukereye. Ni ubwa mbere ibi birori bibaye nyuma yo kuva muri COVID-19.

Kabanda Jean de Dieu watangije Isibo Tv aha ikaze abitabiriye iki gikorwa, yavuze ko nibura abantu bakwiriye kwishimira ko umuhanzi asigaye ahabwa agaciro.

Ati "Mbere ntabwo umuhanzi yahabwaga agaciro ariko ubu turashyigikiwe, impande zose. Reka nsubire ku gikorwa kiri bubere hano mbonera kwishimira intsinzi ya buri wese urahiga abandi. Ubu nta mafaranga dutanga ariko Imana nidufasha hari igihe tuzatanga ikintu gifatika."

Uretse amanota yatanzwe ’abafana hifashishijwe murandasi yari afite 40%, akanama nkemurampaka kari gafite 60%. Igikorwa kirimbanyije, Emmalito na Muyango bayoboye ibi birori basabye abantu gufata umunota wo kwibuka Yvan Buravan, uheruka kwitaba Imana.

Ibi bihembo bigamije gushimira abakora umuziki, abakinnyi ba filimi, ababyinnyi n’abakinnyi bo muri siporo zitandukanye, n’abandi bafite aho bahurira n’imyidagaduro, kugira ngo berekwe ko umuhate wabo atari uw’ubusa.

Uko abahanzi bakurikiranye:

- Amashusho y’indirimbo y’umwaka (Video of The year): Funga Macho ya Bruce Melodie

- Uhanga imideli w’umwaka (Fashion designer of the year): Joyce Fashion Designer

- Umubyinnyi w’umwaka (Dancer of the year): Jojo Breezy

- Umukinnyi wa filime w’umwaka ( Actress of the year): Miss Nyambo

- Iconic Award: Mukansanga Salma

- Umuhanzi w’indirimbo zihimbaza Imana w’umwaka (Gospel artist of the year): Israel Mbonyi

- Uwayoboye amashusho y’indirimbo w’umwaka (Video director of the year): Gad

- Umukinnyi w’umwaka: Bigirimana Abedi

- Umuhanzi mushya (New artist): Afrique

- Umukinnyi wa filime w’umugabo w’umwaka (Male actor): Niyitegeka Gratien (Papa Sava)

- Umuhanzikazi w’umwaka (Female artist of The year): Alyn Sano

- Uvanga umuziki w’umwaka (Dj of the year): Dj Brianne

- Umuhanzi w’umugabo w’umwaka (Male Artist of the Year): Bruce Melodie

- Influencer w’umwaka: Alliah Cool

Miss Nyambo yabaye umukobwa wahize abandi mu bakinnyi ba filime b'abagore

Miss Uwase Muyango na Murenzi Emmalito ni bo bayoboye ibi birori

Mbonyi yabaye umuhanzi w'umwaka mu ndirimbo zo guhimbaza Imana

Jojo yashimiye abamubaye hafi

Itsinda rya Ange na Pamella ryishimiwe mu muziki

Akanyamuneza kari kose kuri Israel Mbonyi

Inseko ya Lynda yarangaza benshi

Hafashwe umunota wo kwibuka no kunamira Yvan Buravan

Davis D ni umwe mu bahanzi bitabiriye itangwa ry'ibi bihembo

DJ Waxy ni we wavangiraga imiziki abari aho

DJ Brianne yahize abandi ba Dj

Bruce Melodie yegukanye ibihembo bibiri

Akanyamuneza kari kose kuri uyu muhanzi

Bruce Melodie na Gael Coach bashyikirizwa igihembo uyu muhanzi yahawe nk'umuhanzi w'umwaka

Alliah Cool ashyikirizwa igihembo cye

Bamwe mu bagize Kigali Boss Babes bari babukereye

Alliah Cool yagaragaje ko yishimiye igihembo yahawe nka 'Influencer' w'umwaka

Umunyamabanga Uhorano muri Minisiteri y'Urubyiruko, Parfait Busabizwa, yashimye abateguye ibi bihembo

Israel Mbonyi yegukanye igihembo cy'umuhanzi w'indirimbo zo guhimbaza Imana

Umunyarwenya Clapton Kibonge yari kumwe na Niyitegeka Gratien wegukanye igihembo cy'umukinnyi wa filime w'umugabo w'umwaka

Umunyarwenya Japhet yari kumwe n'umuhanzi Igor Mabano

Urwenya rwari rwose kwa Bamenya

Umushoramari Karomba Gaël uzwi nka Coach Gael yari yabukereye

Jean Pierre Mazimpaka n'umufasha we bari babukereye

Umujyanama wa Kenny Sol yafatiye igihembo Alyn Sano

Tidjala Kabendera ni we washyikirije igihembo Jojo Breezy wahize abandi mu kubyina

Sky 2 yaje muri ibi birori igituza kiri hanze

Amafoto: Igirubuntu Darcy