Wema Sepetu yahishuye uko umusore baheruka gukundana yamwibye miliyoni 64 z’amashilingi

Yanditswe na Muvunyi Arsène
Kuya 1 Werurwe 2019 saa 08:58
Yasuwe :
0 0

Umukunnyi wa filime wanabaye Miss Tanzania mu 2006, Wema Isaac Sepetu, yahishuye ko umusore baheruka gukundana yamushutse akamwiba miliyoni 64 z’amashilingi ya Tanzania ubu aka asa n’uri gutangira ubuzima bushya.

Tariki ya 17 Ukwakira 2017 nibwo Wema Sepetu yashyize kuri konti ye ya Instagram amashusho ari gusomana byimbitse n’umusore uzwi nka Partick Christopher [PCK].

Aya mashusho yari yafatiwe i Burundi ku ivuko ry’uyu musore, aho Wema Sepetu yari yagiye kumusura no kubonana n’abo mu muryango we.

Umubano w’aba bombi ntiwaramye kuko bahise batandukana nyuma y’aho ubuyobozi muri Tanzania bwamaganye iki gikorwa cy’urukozasoni bigatuma Wema ajyanwa mu rukiko akanakomanyirizwa mu bikorwa byose bya sinema.

Hashize iminsi mike uyu mukobwa akomorewe gusubira mu bikorwa bya sinema. Yahishuriye Ikinyamakuru cya Ijumaa ko Patrick Christopher yamuteketseho imitwe akamutwara miliyoni 64 z’amashilingi ya Tanzaniya (24.000.000 frw).

Yavuze ko yakoze amakosa akomeye yo kwizera umujura, ku buryo ubu ari gutangirira kuri zero.

Yagize ati “Nanyunze mu bihe bikomeye cyane, nasubiye inyuma muri make ndi gutangira ubuzima mpereye hasi, kugeza n’ubu sindiyumvisha ibyambayeho, niba yarantekeye imitwe sinzi impamvu, gusa gukosa si bibi, ikibi ni ugusubira.”

Kugeza ubu Wema Sepetu aracyari kuburana ku cyaha cyo gukwirakwiza amashusho y’urukozasoni gihanishwa ihazabu ya miliyoni 20 z’amashilingi ya Tanzania cyangwa se igifungo kitarenze imyaka irindwi.

Wema Sepetu yakundanye n'umujura ntiyabimenya
Nyuma yo kwibwa n'umukunzi we ari gutangirira ku busa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza