Wema Sepetu ari mu mazi abira nyuma y’amashusho yakwirakwije asomana n’umukunzi we

Yanditswe na Uwiduhaye Theos
Kuya 28 Ukwakira 2018 saa 07:08
Yasuwe :
0 0

Nyampinga wa Tanzania 2006 akaba n’umukinnyi wa filime ukomeye Wema Sepetu, ari kotswa igitutu na leta y’iki gihugu nyuma y’amashusho yashyize ku rukuta rwe rwa Instagram asomana n’umusore bivugwa ko basigaye bakundana wo mu Burundi.

Ku wa 17 Ukwakira nibwo ku mbuga nkoranyambaga hakwirakwiye amashusho ya Wema Sepetu asomana n’umugabo bari mu buriri.

Aya mashusho yakuruye impaka ndetse n’uyu mukobwa aza kuvuga ko yahubutse akayashyira hanze atabanje gutekereza nk’umuntu mukuru. Hashize igihe gito ahita ayasiba.

Umunyamabanga wa Leta muri Minisiteri ishinzwe itumanaho, Juliana Shonza, n’inama ngenzuzi y’abakinnyi ba filime batangaje ko bagiye kwiga ku kibazo cy’uyu mukinnyi wa filime.

Mu kiganiro na EATV, uliana Shonza yavuze ko abakora ibiteye isona nk’ibi bagiye guhatwa ibibazo n’inama ngenzuzi y’abakina filime n’iyi Minisiteri bagafatitwa ibihano birimo no kumara amezi atandatu badakora ibijyanye n’umwuga wa sinema muri Tanzania mu gihe bahamwa n’icyaha.

Wema Sepetu yakozwe n’isoni

Uyu mukobwa akimara kubona ibyo yakoze yatumije ikiganiro n’itangazamakuru avuga ko yicuza ndetse anasaba imbabazi abakunzi be n’abandi bose babifashe nabi.

Ati “Nanzuye kwirengera ingaruka za byose nakoze. Ndisegura ku buyobozi bw’Ikigo cy’Igihugu gishinzwe kugenzura itumanaho muri Tanzania, abakuriye inama ngenzuzi y’abakina filime muri Tanzania, umuryango wanjye, abafana ndetse n’abandi bari kunshyigikira muri ibi bihe. Nkongera gusaba imbabazi urubyiruko rumfata nk’icyitegererezo.”

Yakomeje avuga ko asaba imbabazi nyina kubera aya mashusho, avuga ko yemera ko yakoze ibiteye isoni.

Yemeza ko nawe ari umuntu nk’abandi ushobora gukosa n’ubwo bamwe batamwumva kubera amateka mabi afite. Gusa yizeza itangazamakuru ko byose bigiye kugera ku iherezo.

Gusaba imbabazi kwa Wema Sepetu byafashwe nko kwiyererutsa

Umunyamabanga wa leta muri Minisiteri ishinzwe itumanaho, Juliana Shonza, yavuze ko Wema Sepetu agiye gukurikiranwa, agahanwa kugira ngo abere abandi urugero.

Ati “Ibi ni uburyarya kubera ko atari ubwa mbere abikoze. Si n’inshuro ya kabiri, Hari amategeko yarenzeho, ayo mategeko rero agomba gukora akazi kayo, gusaba imbabazi ntabwo bihagije, agomba kubera abandi urugero.”

Wema Sepetu ari mu mazi abira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza