Radio umaze umwaka yitabye Imana yahawe igihembo

Yanditswe na Muvunyi Arsène
Kuya 24 Werurwe 2019 saa 10:06
Yasuwe :
0 0

Itsinda rya Good Life ryo muri Uganda na Radio warihozemo bashimiwe mu bihembo bya Zzina Awards, Weasel yunamira mugenzi we bakoranye.

Zzina Awards ni ibihembo bitangwa na Radiyo yitwa Galaxy FM bigamije gushimira abahanzi bitwaye neza mu byiciro bitandukanye. Ababitegura batanga igikombe kidahatanirwa mu rwego rwo gushimira umuhanzi umaze igihe mu muziki kandi ufite ubigwi.

Iki gihembo cy’umunyabigwi cyahawe itsinda rya Good Life ryari rigizwe na Radio witabye Imana mu mwaka ushize na Weasel usigaye.

Indirimbo yitwa Tambula Nange ya Radio nayo yahembwe nk’irimo ubutumwa bwiza.

Douglas Sseguya Mayanja [Weasel] wakiriye ibi bihembo, yagaragaje ko yishimye, ariko mu magambo ye yitsa kuri Mowzey Radio batangiranye urugendo rwa muzika, bakaba babonye iki gihembo atakiriho.

Yagize ati “Muvandimwe Radio turacyatsinda, turagukumbuye. Kugeza igihe tuzongera kubonanira umurage wawe wasize uzahoraho.”

Mu 2017 aba bagabo bari bizihije isabukuru y’imyaka 10 bamaze mu muziki kandi bari ku isonga. Muri iki gihe bakoze indirimbo nyinshi zakunzwe banegukana ibihembo bitandukanye muri Uganda.

N’ubwo Radio atakiriho, Weasel yakomeje gukorera ku izina rya Good Life, ndetse ubu ategerejwe mu Rwanda tariki 30 Werurwe 2019 aho azaririmba mu iserukiramuco ry’urwenya rya Seka Fest, aho azaba ari kumwe na Charly na Nina na Sintex.

Good Life yahawe igihembo cy'itsinda ryanditse amateka muri muzika ya Uganda
Indirimbo ya Radio yahawe igihembo nk'irimo ubutumwa bwiza kurusha izindi
Weasel yashimiye Radio bafatanyije urugendo mu myaka 10
Weasel yishimiye igihembo bahawe n'ubwo atakiri kumwe na Radio

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza