Musaza wa Uwoya yamennye ibanga ry’ubukwe bwa baringa uyu mugore aherutse gukora

Yanditswe na Uwiduhaye Theos
Kuya 23 Ukuboza 2018 saa 10:28
Yasuwe :
0 0

Musaza wa Irene Uwoya [Oprah] wamenyekanye cyane muri filime zo muri Tanzania witwa Babuu, yatangaje ukuri ku bukwe bwa baringa bwakozwe na mushiki we.

Ubukwe bwa Irene Uwoya na Abdulaziz Chende [Dogo Janja] bwabaye kuwa 28 Ukwakira 2017 mu ibanga rikomeye.

Nta muvandimwe cyangwa umubyeyi we wigeze abutaha kuko bose bavugaga ko batemera uyu musore.

Uwoya akimara kurushinga yahise ajya mu bibazo bikomeye byo guhangana n’abamwibasiraga ku mbuga nkoranyambaga ndetse ahita agira ibyago Ndikumana Hamad Katauti babyaranye yitaba Imana; muri Tanzania bamwe bamushinja kuba inyuma y’uru rupfu.

Abandi bahise batangira kuvuga ko yashatse umwana aruta kuko afite imyaka 30 n’aho Dogo Janja akagira 24.

Ibyabo ntibyamaze kabiri kuko mu 2018, hagati hatangiye kunugwanugwa ko batandukanye ariko hakagenda habura gihamya kugeza aho mu Ukwakira byaje kwemezwa ko baciye ukubiri.

Musaza wa Uwoya witwa Babuu yabihuhuye aganira n’itangazamakuru ryo muri Tanzania, avuga ko n’ubundi aba bombi bakoze ubukwe bwa baringa bashaka kuvugwa gusa.

Ati “Ubukwe simbuzi, ntabwabaye. Umwe akina filime undi agakora umuziki niba bari mu kazi kabo simbizi. Sindajya kwa Uwoya ngo nsangeyo Dogo Janja. Numva babivuga ko barushinze ariko ntabyo nzi.”

“Umugabo we tuzi yarapfuye, yari Ndikumana nta wundi tuzi wageze mu muryango. Dogo Janja ntabwo araza iwacu umunsi n’umwe. Iby’ubukwe simbizi ibyo bintu bavuga nta kuri bifite.”

Yakomeje agira ati “Nta muntu n’umwe mu muryango wigeze yemera Dogo Janja nk’umukwe wacu, ni nayo mpamvu ntawigeze ajya mu bukwe bwe na Uwoya. Icyo nzi ni uko Dogo Janja yari inshuti magara ye, yiganye na barumuna ba Uwoya nta kindi.”

Babuu yanavuze ko Uwoya n’umuryango we ari abakirisitu. Ati “Ntabwo yigeze ahindura ngo abe umuyisilamu.”

Irene Uwoya na Dogo Janja bakoze ubukwe bwa baringa
Ubukwe bwa Uwoya na Dogo Janja bwavugishije benshi
Uwoya niwe wabanje gutangaza ko yakoze ubukwe

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza