Meddy mu mushinga w’indirimbo na Diamond Platnumz

Yanditswe na Uwiduhaye Theos
Kuya 6 Ugushyingo 2018 saa 10:11
Yasuwe :
0 0

Ngabo Medard Jobert [Meddy] aherereye muri Tanzania aho bivugwa ko ari gukorana indirimbo na Diamond Platnumz uri mu bahanzi bakunzwe muri Afurika nubwo ngo amakuru yose azajya hanze mu cyumweru kimwe cyangwa bibiri.

Meddy yageze muri Tanzania mu mpera z’icyumweru gishize aho yakoreye igitaramo muri weekend. Yagiyeyo nyuma y’ikindi gitaramo yari yakoreye muri Kenya ku wa 27 Ukwakira.

Akigera muri Tanzania yashyize ifoto ku rukuta rwe rwa Instagram ari kumwe n’umuvandimwe wa Diamond usanzwe ari n’umu-Dj we witwa Rommy Jones avuga ko hari ikintu kiremereye bagiye gukora.

Ati “Bwa mbere ngeze muri Tanzania. Rommy Jones hari icyo duhishiye abantu kinini. Mubyizere.”

Rommy Jones nawe yatanze igitekerezo ashimangora ibyo Meddy yari yanditse.

Kuri uyu wa Mbere hasakajwe amashusho yerekana Diamond ari kumwe na Meddy muri studio, amajwi bayafunze ku buryo utakumva ibyo bavugaga, bikaba bivugwa ko bari gukorana indirimbo n’ubwo ibyayo bitarasobanuka neza.

Amakuru agera kuri IGIHE ni uko iyi ndirimbo iri mu bintu bikomeye byari byajyanye Meddy muri Tanzania n’ubwo kugeza ubu nta kintu arayivugaho gihambaye.

Mu kiganiro yagiranye na Wasafi TV ya Diamond, Meddy yavuze ko ari muri Tanzania muri gahunda yo gukorana indirimbo n’abahanzi baho batandukanye ndetse no kumurikira abafana be bo muri iki gihugu indirimbo ze.

Ati “Kugeza ubu ndi kuvugana n’itsinda rya Wasafi. Ndi kuvugana n’aba bahanzi bose bo muri iyi label ntabwo nzi icyo abantu bakwitega kugeza ubu gusa niteguye gutangira gukora. Ndizera ko mu cyumweru kimwe cyangwa bibiri tuzaba dufite amakuru arambuye.”

Meddy ari mu bitaramo bizenguruka akarere ka Afurika y’Ibirasirazuba no mu bindi bikorwa bya muziki ye, ku wa 29 Ukuboza afite igitaramo i Burundi aho azava yerekeza mu Rwanda akazahakorera igitaramo gitangiza umwaka cya East Africa Party kizaba ku wa 1 Mutarama 2019.

Amashusho yagaragaje Diamond yakiriza Meddy inzoga

Meddy akigera muri Tanzania yakiriwe n'umu-DJ wa Diamond witwa Rommy

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza