Diamond yaba agiye kurongora

Yanditswe na Uwiduhaye Theos
Kuya 2 Ugushyingo 2018 saa 09:39
Yasuwe :
0 0

Diamond Platnumz uri mu bahanzi bakomeye mu Karere ka Afurika y’Iburasirazuba ari mu rukundo n’umukobwa ugaragara mu ndirimbo z’abahanzi witwa Lilian Kessy uzwi nka Kim Nana.

Umwe mu nshuti za hafi za Diamond utashatse kumenyekana mu itangazamakuru niwe wabanje kubitangaza.

Ati “Ayo makuru avuga ko nyina wa Diamond yasohoye mu nzu ye Kim Nana ntabwo ari ayo kwizerwa. Diamond afite gahunda kuri uyu mukobwa ndetse yanamusabye kuva mu idini ya Gikirisitu akajya muri Islam, nk’abantu bari kwitegura kurushinga. Diamond yavuze ko imyaka iri kumufata kandi ashaka umukunzi nyawe barwubakana rugakomera.”

Uyu muntu yakomeje avuga ko Kim Nana asigaye amara igihe kinini ku nzu y’ubucuruzi ya mushiki wa Diamond witwa Esma Platnumz ndetse abavandimwe n’inshuti z’uyu muhanzi basigaye bamuba hafi.

Aganira n’ikinyamakuru Amani gikorera muri Tanzania, Nyina wa Diamond, Esma Platnumz, nawe yahamije ko umusore we ari mu rukundo rufite intego.

Ati “Reka ayo makuru avuga ko nasohoye Kim Nana mu nzu y’umuhungu wanjye. Niba hari igihari, kuri iyo ngingo nzamuba iruhande; n’ubu ndi kuvugana nawe kuri telefoni turicaranye. Kim Nana ari kwiga amasomo ya Sharia yo muri Islam, ndetse ari kwiga gusoma no gusobanura Quran nyirarume wa Diamond witwa Shamte uvukana na se w’umuhungu wanjye niwe uri kumwigisha.”

Yakomeje ati “Abategereje ko umuhungu wanjye yanga Kim Nana amaso yabo azahera mu kirere, ibyo ntibishobora kubaho.”

Yahise aha telefoni Kim Nana nawe avugisha umunyamakuru, agaragaza ibyishimo ndetse anavuga ko yashimishijwe n’uburyo mu muryango wa Diamond bamwakiriye bakamwishimira vuba na bwangu.

Nyirarume wa Diamond nawe yahise afata telefoni ahamya ko ari kwigisha uyu mukobwa amabwiriza n’indagaciro za Islam.

Mu kwezi kumwe cyangwa abiri ashize Kim Nana yabaga mu nzu y’icyumba kimwe iherereye mu gace ka Sinza Mori i Dar es Salaam. Yaje kwimukira mu nzu ya Diamond nyuma y’aho ikinyamakuru Ijumaa gishyize hanze ubuzima bukomeye yari abayemo.

Kugeza ubu igihe Diamond na Kim Nana batangiye iby’urukundo rwabo ntibiramenyekana.

Diamond Platnumz yakundanye n’abakobwa batandukanye barimo; Wema Sepetu, Jaqueline, Jokate Mwegelo, Peniel Mwingilwa na Zari banabyaranye abana babiri ndetse n’abandi barimo na Hamissa Mobetto babyaranye umwana w’umuhungu.

Kim Nana bivugwa ko akundana na Diamond
Kim Nana na Diamond bashobora kurushinga vuba
Kim Nana na Diamond Platnumz bamaze igihe kinini mu rukundo
Umukobwa wigaruriye umutima wa Diamond Platnumz

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza