Momolava umaze imyaka 10 muri muzika yabatijwe na Apôtre Alice Mignone Kabera, Umushumba Mukuru wa Noble Family Church akaba n’uwashinze Women Foundation Ministries.

Uyu muhanzikazi yatangiye kumenyekana muri muzika mu 2012 akora Injyana ya Dancehall ubwo yari mu mikoranire na Future Records.

Urugendo rwe rwa muzika yaruhuriyemo n’inzitane nyinshi dore ko yagiye ahagarika umuziki inshuro nyinshi akongera kuwugarukamo nyuma y’igihe.

Momolava yamenyekanye mu ndirimbo zirimo “Akamodoka” yahuriyemo na T Brown, TNP, Davis D na Mr Kagame, “Shakira ahandi” yakoranye na Mr Kagame n’izindi.

Uyu mukobwa nyuma y’imyaka itatu yari amaze asubitse umuziki, muri Gicurasi 2022 yagarukanye indirimbo yise ‘Comeka’.

Apôtre Alice Mignone, Umushumba Mukuru wa Noble Family Church ni we wabatije Umuhanzikazi Momolava

Momolava aherutse guhurira ku rubyiniro rumwe na Kizz Daniel mu gitaramo cyabereye kuri Canal Olympia ku i Rebero

Momolava amaze imyaka 10 mu muziki

Momolava yasoje umwaka yakiriye Yesu nk'Umwami n'Umukiza we