Easter Celebration: Alka Mbumba wiyita ’Umusazi wa Yesu’ yageze i Kigali

Yanditswe na Muvunyi Arsène
Kuya 20 Mata 2019 saa 12:03
Yasuwe :
0 0

Alka Mbumba umuramyi wo muri Repubulika Iharanira Demokarasi yo Congo, wiyita ‘Umusazi wa Yesu’, yaraye i Kigali aho yitabiriye igitaramo cyo kwizihiza Pasika cyateguwe na Patient Bizimana.

Kuri iki cyumweru tariki 21 Mata 2019 nibwo abakirisitu bo ku Isi hose, bazizihiza umunsi mukuru wa Pasika, ushushanya izuka ry’umwami Yesu.

Kuri uyu munsi umuramyi w’umunyarwanda Patient Bizimana ategura ugitaramo yise Easter Celebration, cyo gufasha abantu kuryoherwa n’ibyishimo bya Pasika.

Mu kwizihiza Pasika ya 2019, Patient Bizimana yatumiye umuramyi ukomeye wo muri Repubulika Iharanira Demokarasi ya Congo, Alka Mbumba [Umusazi wa Yesu] wamamaye cyane mu ndirimbo Fanda Nayo.

Mu ijoro ryo kuri uyu wa Gatanu nibwo yasesekaye ku Kibuga Mpuzamahanga cy’Indege cya Kigali, yakirwa na Patient Bizimana wamutumiye.

Mu kiganiro yagiranye n’itangazamakuru yavuze ko abazajya kureba iki gitaramo ‘bazabona ibyo amaso yabo atigeze abona n’amatwi yabo atarumva.’

Mu Kiganiro Patient Bizimana aheruka kugirana na IGIHE, yatangaje ko imyiteguro yose iri kugenda neza, igisigaye ari umunsi wa nyuma.

Muri iki gitaramo kandi hazaba harimo abandi bahanzi bamenyerewe mu muziki wo kuramya no guhimbaza Imana nka Gaby Kamanzi, Healing Worship Team, Shekinah Worship Team na Redemption Voice ituruka i Burundi.

Easter Celebration 2019 izaba ibaye ku nshuro ya 5, izabera i Gikondo mu ihema rinini ry’ahasanzwe habera imurikagurisha mpuzamahanga.

Patient Bizimana yakiriye Alka Mbumba uzamufasha mu gitaramo cyo kwizihiza Pasika
Alka wiyise Umusazi wa Yesu yijeje abanyarwanda ibyishimo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza