Zodwa Wabantu wamamaye muri Afurika y’Epfo yongeye gukora agashya

Yanditswe na Uwiduhaye Theos
Kuya 6 Gicurasi 2019 saa 04:20
Yasuwe :
0 0

Umubyinnyi uzwi cyane muri Afurika y’Epfo witwa Zodwa Wabantu, wamamaye kubera kujya mu birori bitandukanye akabyina imbere y’imbaga nta mwenda w’imbere yambaye, yatunguranye yambika impeta y’urukundo umukunzi we, abantu bagwa mu kantu.

Iki gikorwa cyabaye ku mugoroba wo kuri iki Cyumweru tariki 5 Gicurasi 2019, ahitwa Eyadini Lounge muri Afurika y’Epfo, aho uyu mukobwa yatunguye umukunzi we akamusaba kumubera umugabo akamwambika impeta y’urukundo undi agahita abyemera nta kuzuyaza.

Nyuma yo gukora iki gikorwa Zodwa yahwituye abakobwa baterwa ipfunwe no kugaragaza ko aribo bagize uruhare mu rushako rwabo ndetse bikagera naho kwitangira inkwano.

Ati “Twe nk’abakobwa duha abasore bacu amafaranga ngo baturongore. Abakobwa b’abakozi ba cyane ntabwo bahisha ko aribo bahaye amafaranga abakunzi babo ngo bajye gutanga inkwano mu miryango yabo”.

Akomeza agira ati “Bamwe baba bumva nta cyizere cyo kwambara impeta ku ntoki zabo ariko njye nta pfunwe ntewe no kwerekana ukuri kubera ko buri kintu cya Zodwa Wabantu kiba ari ukuri. Uwanjye ni uw’ukuri, kandi nzashyingiranwa na we.”

Amafoto ya Zodwa w’imyaka 33 yacicikanye ku mbuga nkoranyambaga benshi batangariye amagambo ye ndetse n’igikorwa yakoze cyo kwambika impeta y’urukundo Ntobeko Linda w’imyaka 24 basanzwe bakundana, kitamenyerewe ku bakobwa.

Mu bitekerezo bya benshi ku mbuga nkoranyambaga bagaragaje ko uyu mukobwa agiye kubana n’umusore abyaye! Abandi mu kugaragaza gutangara bakavuga ko ‘ibi yakoze ari kimwe mu bimenyetso byerekana ko Yesu agiye kugaruka’.

Uyu mukobwa ubusanzwe yitwa Zodwa Rebecca Libram azwi cyane muri Afurika y’Epfo kubera imyitwarire ye idasanzwe no kubyina yambaye mu buryo bugaragaza imyanya ye y’ibanga.

Zodwa Wabantu uzwi cyane ku bwo kubyina nta kenda k’imbere yambaye ndetse akabyereka ababa baje kumureba.

Yibukirwa cyane ku kato yahawe muri Zambia aho muri Werurwe 2018 yari yatumiwe mu gitaramo cyo kumurika album y’umwe mu bahanzi bakizamuka muri iki gihugu, akigerayo leta igahita imuhambiriza agasubizwa iwabo muri Afurika y’Epfo shishi itabona.

Ntobeko Linda wambitswe impeta y’urukundo na Zodwa Wabantu bagiye kumara hafi umwaka bakundana kuko iby’urukundo rwabo byatangiye gucicikana mu 2018.

Reba Zodwa yambika impeta umukunzi we

Arimo gutunganya impeta ngo ayambike umukunzi we
Zodwa yambika impeta umukunzi we
Umusore byamurenze arira amarira y'ibyishimo
Uyu mukobwa azwiho kujya gususurutsa ibirori nta kariso yambaye
Zodwa n'umukunzi we yamaze kwambika impeta y'urukundo amusaba ko bazabana ubuziraherezo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza