00:00:00 IGIHE NETWORK KN KINYARWANDA EN ENGLISH FR FRANCAIS

Young Grace na Shizzo b’i Rubavu bongewe mu bahanzi bazasusurutsa ab’iwabo ku Bunani

Yanditswe na Nsengiyumva Emmy
Kuya 19 Ukuboza 2022 saa 09:59
Yasuwe :

Young Grace na Shizzo bari mu bahanzi bavuka i Gisenyi bafite amazina akomeye mu muziki w’u Rwanda, bongewe ku rutonde rw’abazasusurutsa Abanyarubavu ku Bunani.

Igitaramo aba bombi batumiwemo cyiswe ‘Ericas Gisenyi Festival’, kizahuza abahanzi b’ibyamamare mu Rwanda. Kizabera kuri Stade Umuganda ku wa 31 Ukuboza 2022.

Akimara kongerwa mu bahanzi bazataramira i Rubavu, Young Grace, yabwiye IGIHE ko yishimiye kuba bamutekerejeho cyane ko atari kenshi yagiye asoreza umwaka ku ivuko.

Yagize ati “Ni iby’agaciro, inshuro nyinshi wasangaga umwaka urangiye ndi i Kigali ku mpamvu z’akazi. Kuri iyi nshuro rero nizeye ko nzanagira umwanya wo gusabana n’Abanyarubavu ariko noneho mbashe no gusozanya umwaka n’umuryango wanjye.”

‘Ericas Gisenyi Festival’ ni igitaramo kizahuza abahanzi b’ibyamamare mu Rwanda mu rwego rwo kwifatanya n’abatuye Akarere ka Rubavu n’abazaba bahagendereye kuryoherwa n’impera za 2022 no guha ikaze 2023.

Mu bahanzi batumiwe harimo Orchestre Impala, Senderi Hit, Bull Dogg, Ariel Wayz n’itsinda rya The Same rikorera umuziki i Rubavu.

Umwe mu bateguye iki gitaramo waganiriye na IGIHE, yavuze ko babitekereje mu rwego rwo gufasha ab’i Rubavu n’abahagenderera gusoza umwaka bishimye binyuze mu gutaramana n’abahanzi bakunda.

Kwitabira iki gitaramo ku banyeshuri bizaba ari 1000 Frw, mu myanya isanzwe ni 2000 Frw, muri VIP ni 5000 Frw naho mu myanya ya VVIP ni 10.000 Frw.

Young Grace na Shizzo b’i Rubavu bongewe mu bahanzi bazasusurutsa ab’iwabo ku Bunani

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .