Ni igitaramo cyabereye muri ’Institut Français du Rwanda’ aho uyu muhanzi yari yateguye umugoroba wo gutaramana n’abakunzi be bari bitabiriye ari benshi.

Muri iki gitaramo, Juno Kizigenza yanyuzagamo agahamagara abahanzi bakoranye indirimbo bari ahabereye iki gitaramo bagafatanya kuziririmba.

Bamwe mu bahanzi bitabiriye iki gitaramo banaririmbanye nawe barimo Butera Knowless bakoranye ‘Umugisha’, Kenny Sol bahuriye mu yitwa ‘Igitangaza’, Ariel Wayz bahuriye mu yitwa ‘Away’ na France Mpundu bahuriye muri ‘Huha Records’.

Uretse abagiye ku rubyiniro bagafatanya kuririmba, ni igitaramo ariko kandi cyagaragayemo Ishimwe Clement wa KINA Music, Marina, Miss Muyango na Shemi.

Juno Kizigenza yavuze ko nubwo akoze iki gitaramo gito, akomeje imyiteguro yo kuzategura ikinini azahuriramo n’abakunzi be benshi nubwo ateruye neza igihe kizabera.

Ku wa 13 Gicurasi 2020, ni bwo Juno Kizigenza yinjiye mu muziki ahereye ku ndirimbo yise ‘Mpa formula’ yanahise ikundwa bikomeye, bimuha icyizere cy’ahazaza heza mu muziki.

Nyuma yakoze izindi ndirimbo zirimo Igitangaza, Jaja, Biranze, Shenge, Urankunda n’izindi nyinshi zatumye izina rye rirushaho gutumbagira mu mitima y’abakunzi b’umuziki nyarwanda.

Ni uku Juno Kizigenza yaserutse imbere y'abakunzi be

Juno Kizigenza yishimiye gukora igitaramo cyo kwizihiza imyaka itanu amaze mu muziki

Ahereye ku ndirimbo ye ya mbere kugeza ku ziheruka, Juno Kizigenza yatanze ibyishimo ku bakunzi be

Miss Muyango ni umwe mu bitabiriye iki gitaramo

Shemi yari yishimiye inshuti ye Juno Kizigenza

Kenny Sol yatunguye Juno Kizigenza amusanga ku rubyiniro

Kenny Sol na Juno Kizigenza baririmbanye indirimbo 'Igitangaza' bahuriyemo na Bruce Melodie

DJ Butera asanzwe ari umufana ukomeye wa Juno Kizigenza

Juno Kizigenza yaririmbaga indirimbo ze hafi ya zose mu buryo bwa Live

Mu buryo butunguranye, Ariel Wayz yasanze Juno Kizigenza ku rubyiniro bafatanya kuririmbana indirimbo Away

Ras Kayaga wamenyekanye muri Holy Jah Doves ni umwe mu bari bitabiriye iki gitaramo

Ariel Wayz na Juno Kizigenza bishimiwe bikomeye

Ariel Wayz yari yagiye gushyigikira inshuti ye Juno Kizigenza banavuzwe mu nkuru z'urukundo

Marina ni umwe mu bitabiriye iki gitaramo

France Mpundu yishimiye uko Juno Kizigenza yitwaye muri iki gitaramo

Miss Muyango na Shemi bitegereza inshuti yabo Juno Kizigenza uko yitwara

Butera Knowless ni umwe mu bageze ahabereye iki gitaramo na mbere y'uko gitangira

Abakunzi b'umuziki wa Juno Kizigenza batashye banyuzwe

Amafoto: Mukayiranga Esther Yassipi