Uretse kwishimira umuziki mwiza yasangije abakunzi be, Abanyarwanda banishimiye uko yaserutse yambaye imyenda yahanzwe n’Abanyarwanda

Yaba John Legend n’abaririmbyi be baserutse bambaye imyenda yahanzwe na ‘Moshions’, uretse ikindi gice yagezemo akambara umwenda wahanzwe na Tanga Design.

Tanga Design uri mu bambitse John Legend yabwiye IGIHE ko igitekerezo cy’umwenda yamudodeye yagikuye ku mushanana, icyakora we ahitamo kuwuvugurura awudoda mu buryo bugezweho.

Ati “Njye iyo nkoze umwenda mba mfite urukundo rwawo rwinshi, kandi ntabwo wabona igiciro cyarwo ni yo mpamvu ntajya njya mu biciro rwose.”

Ku rundi ruhande, John Legend yishimiye bikomeye igitaramo yakoreye i Kigali.

Ati “Ijoro ryashize i Kigali, mu Rwanda, ryari iry’ibitangaza! Mbega igitaramo cyiza! Numvise urukundo rwanyu […] Mbega ibihe bidasanzwe, Ntegereje n’amatsiko Lagos ku itariki ya 25!”

John Legend yavugaga ibi mu gihe agomba kuva i Kigali yerekeza muri Nigeria aho afite ikindi gitaramo ku wa 25 Gashyantare 2025.

Uyu muhanzi uri mu bakomeye ku Isi cyane ko yibitseho Grammy Awards 13, yari i Kigali mu gitaramo cya ‘Move Afrika’. Abaye uwa kabiri ucyitabiriye nyuma ya Kendrick Lamar wahataramiye mu mpera za 2023.

John Legend yaserutse mu mwambaro wahangiwe muri Moshions

Uyu mwambaro John Legend yari yambaye ubusanzwe ugura miliyoni 3Frw

Nyuma yahinduye umwenda ashyiramo uwahanzwe na Tanga Design

John Legend yishimiye kwambikwa n'abahanga mu guhanga imideli mu Rwanda

Ubwitabire bw'abakunzi b'umuziki bwari hejuru muri BK Arena

John Legend yavuze ko yagiriye ibihe bidasanzwe muri BK Arena, ashima urukundo yeretswe n'abafana

Turahirwa Moses wa Moshions nyuma yo kwambika abaririmbyi ba John Legend, yafatanye na bo ifoto y'urwibutso

David Thomas ni we ushinzwe kwambika John Legend. Ni na we wamuhitiyemo imyenda yaserukanye i Kigali

Abaririmbyi ba John Legend bamaze kwipima imyenda ya Moshions

John Legend n'abaririmbyi be mu myenda ya Moshions

Tanga Design mu mwenda yari amaze kwambika John Legend