Ku mugoroba wo kuri uyu wa 23 Werurwe 2025, nibwo Bazongere Rosine yari ageze mu Mujyi wa Rubavu.

Mu kiganiro na IGIHE, yavuze ko muri uru rugendo, yagendaga amanywa mu ijoro akaruhuka.

Umunsi wa mbere w’uru rugendo yaraye kwa Nyirangarama mu Karere ka Rurindo, bucya atangira urugendo yakomereje i Musanze aho yaraye ku munsi wa kabiri.

Ku munsi wa gatatu yaraye mu Karere ka Nyabihu mbere y’uko atangira urugendo rwerekeza mu Karere ka Rubavu aho yageze kuri uyu wa 23 Werurwe 2025.

Uru ni urugendo Bazongere avuga ko yarukoze mu rwego rw’ubukangurambaga bwo gukora siporo ngororamubiri mu kurushaho kugira ubuzima bwiza, kuruhura umubiri ndetse no kuruhura ubwonko.

Uyu mukobwa yavuze ko ibirometero 93 bya mbere yakoze kuva i Kigali yerekeza i Musanze yabikoranye n’umusore witwa Cedric mbere y’uko ahura na Josiane bahagurukanye i Musanze berekeza i Rubavu, urugendo rw’ibirometero 57.

Uteranyije igihe yamaze mu muhanda, kigera ku masaha 34, iminota 39 n’amasegonda 26.

Bazongere ni umwe mu bashinze ikipe y’abantu bakunze gukorana siporo ngororamubiri, zaba izo kugenda n’amaguru ndetse no guterera imisozi itandukanye yise ‘Wolking for health body and mind’.

Umunsi wa mbere, Bazongere Rosine yakoze ibirometero 48 mu gihe cy'amasaha arenga 10

Umunsi wa gatatu Bazongere yakoze ibirometero birenga gato kuri 30 mu masaha arenga arindwi

Umunsi wa nyuma Bazongere yakoze ibirometero 27.1 mu masaha arenga atandatu

Umunsi wa kabiri, Bazongere yakoze ibirometero 44.9 mu masaha arenga 10

Mu nzira Cedric yamuteye imbaraga zo gukora uru rugendo

Mu nzira yanyuzagamo akabanza akifotoza kugira ngo agire ifoto y'urwibutso

Ubwo Bazongere yari ageze kwa Nyirangarama, aho yacumbitse ku munsi wa mbere

Agiye gutangira umunsi wa kabiri, igikapu cye cyabaga gifunze neza

Bazongere Rosine yamaze umunsi urenga agenda n'amaguru mu rwego rwo gusoza isezerano yihaye

Ubwo yari atangiye urugendo rwerekeza i Musanze

Ubwo Bazongere na Cedric bari barangije guterera Buranga

Yageze i Musanze umugoroba ugeze aharara ku munsi wa kabiri

Hari aho yageraga akabanza gufata agafoto k'urwibutso

Imvura ntabwo yigeze ihagarika urugendo rwe

Iminsi ine, ibirometero 150, Bazongere yarangije urugendo Kigali-Rubavu yakoraga n'amaguru

Mu nzira ijya i Rubavu yagaragazaga ibyishimo byo kugera ku ntego ze

Avuga ko uru rugendo rwatumye arushaho gusura aka gace

Bazongere Rosine ubwo yari ageze ku Nyundo yahafatiye ifoto y'urwibutso