Akigera ku kibuga cy’indege cya Kigali i Kanombe, Victony utigeze aganira n’itangazamakuru yahise yerekeza kuri hoteli agomba gucumbikamo mbere yo gutaramira abakunzi be i Kigali.

Victony ageze i Kigali ahasanga Ruger, mugenzi we w’Umunya-Nigeria bagomba gufatanya gukora igitaramo bafatanyije n’abahanzi b’i Kigali nka Ross Kana, Davis D, Bushali, B Threy na Bruce The 1st.

Baraba bafatanya n’aba-DJs barimo DJ Toxxyk, DJ Inno, DJ Higa & Rusam, DJ Djannab na The Ruscombs.

Victony, ni umunya-Nigeria uvanga kurapa no kuririmba. Uyu musore wavutse ku wa 5 Mutarama 2001, akomoka mu gace Orsu muri Leta ya Imo.

Yamamaye mu ndirimbo nka Soweto, Kolomental, Stubborn yakoranye na Asake n’izindi nyinshi.

Davis D ubwo yateguraga igitaramo cyo kwizihiza imyaka icumi amaze mu muziki, yari yemeje ko yamutumiye icyakora biza gupfa ku munota wa nyuma birangira amusimbuje Umunya-Afurika y’Epfo, Nasty C.

Ubwo Victony yari ageze i Kigali

Akigera i Kigali, Victony yikuye ikote ahumeka umwuka w'i Kigali

Nyuma yo kugera i Kigali, Victony yahise yerekeza kuri hoteli