Ibi yabigarutseho mu butumwa burebure yanyujije ku rubuga rwa ‘X’, agaragaza ko asaba imbabazi kandi yiteguye kutazongera kugwa mu makosa nk’ayo yakoze.

Ati “Banyarwanda […] muri aka kanya nanditse nsaba imbabazi umuryango nyarwanda by’umwihariko umuryango wa Pastor Kabanda Julienne bitewe n’igikorwa nakoze kubera amarangamutima yanjye yanyobeje bityo nkagwa mu cyaha kibangamira imibereho bwite ya muntu.”

Nyuma yo gusaba imbabazi, uyu wiyise Bakame yanaboneyeho guhanura urubyiruko rugenzi rwe rukoresha imbuga nkoranyambaga.

Ati “Rubyiruko dukoresha imbuga nkoranyambaga, nubwo dufite uburenganzira bwo kwisanzura bigomba kujyana n’inshingano zo kubaha uburenganzira bw’abandi nk’uko tubibona mu ihame rivuga ko uburenganzira bujyana n’inshingano.”

Ni ubutumwa burebure uyu wiyise Bakame yasoje asaba amahirwe ya nyuma, anizeza Abanyarwanda ko mu gihe yaba ayahawe yafatanya n’abandi gukomeza kubaka u Rwanda.

Reka mwite intumwa ya Satan kw'Isi Mama w'ikinyoma

Uyu ni mushiki wa Apostle Gitwaza mu kwitwaza Ijambo ry'Imana bagatuburira abanyarwanda,uwampuza nawe isi yose itureba nkamubaza ikibazo 1 cyo muri Bibiliya abeshyako yigisha 🤔 pic.twitter.com/W8zUla5xY0

— BAKAME 🇷🇼 (@Incakura__) April 27, 2025

Mwiriwe neza Banyarwanda /Banyarwandakazi muri aka kanya nanditse nsaba imbabazi umuryango Nyarwanda imbabazi by'umwihariko umuryango wa Pastor KABANDA Julienne bitewe n'igikorwa nakoze kubera amarangamutima yanjye yanyobeje bityo nkagwa mu cyaha kibangamira imibereho bwite ya… pic.twitter.com/akbKpOz667

— BAKAME 🇷🇼 (@Incakura__) April 28, 2025

Inkuru bifitanye isano: https://igihe.com/imyidagaduro/article/rib-yinjiye-mu-kibazo-cy-uwise-pastor-julienne-intumwa-ya-satani

Uwise Pastor Julienne intumwa ya Satani yamusabye imbabazi

Pastor Julienne Kabanda aherutse gutegura ibiterane byujuje BK Arena iminsi itatu yikurikiranya