00:00:00 IGIHE NETWORK KN KINYARWANDA EN ENGLISH FR FRANCAIS

Prince Kid yitabaje uwari umwavoka wa Rusesabagina

Yanditswe na Nsengiyumva Emmy
Kuya 11 May 2022 saa 11:40
Yasuwe :

Me Nyembo Emelyne wari mu itsinda ry’abunganiraga Rusesabagina Paul, ni we uri kunganira Ishimwe Dieudonné uzwi nka Prince Kid watangiye kuburana ifungwa n’ifungurwa ry’agateganyo ku byaha by’ihohotera rishingiye ku gitsina akekwaho bivugwa ko yakoze mu gihe yateguraga irushanwa rya Miss Rwanda.

Kuri uyu wa 11 Gicurasi 2022 nibwo Prince Kid yatangiye kwitaba Urukiko aburana ifunga n’ifungurwa ry’agateganyo.

Uyu musore ubwo yari ageze imbere y’Inteko iburanisha, yavuze ko afite umwunganira mu mategeko ariko ntiyari yakageze mu cyumba cy’iburanisha.

Mu minota mike nibwo umwunganira yahise ahahinguka, bwa mbere Me Nyembo Emelyne aba agaragaye muri iyi dosiye.

Me Nyembo Emelyne ni umwe mu bunganizi babiri bunganiye Paul Rusesabagina mu ifungwa n’ifungurwa ry’agateganyo. Icyo gihe yari kumwe na Me Rugaza David wari Umwunganizi Mukuru wa Rusesabagina.

Nyuma bombi baje gusimburwa na Me Gatera Gashabana. Bari batoranyijwe na Rusesabagina muri benshi yari yahawe bo mu bigo bitandukanye by’abunganizi mu mategeko.

Me Nyembo ni umwe mu banyamategeko baburana imanza z’ihohoterwa rishingiye ku gitsina.

Iburanisha ry’uyu munsi ryasubitswe kuko Me Nyembo yatanze inzitizi y’uko atabashije kubona ikirego cy’ubushinjacyaha.

Umucamanza yemeje ko urubanza ruzasubukurwa ku wa Gatanu tariki 13 Gicurasi 2022 saa tatu.

Ishimwe Dieudonné uzwi nka Prince Kid yitabye Urukiko yunganiwe na Me Nyembo Emelyne
Rusesabagina Paul aganira na Me Nyembo, umwe muri babiri bari abunganizi be
Me Nyembo Emelyne aramukanya na Rusesabagina wari umukiliya we
Rusesabagina yatangiye gukorana na Me Nyembo Emelyne kuva mu ibazwa rye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .