00:00:00 IGIHE NETWORK KN KINYARWANDA EN ENGLISH FR FRANCAIS

Uwahoze acungira umutekano Bruce Melodie yagaragaye arinze Trey Songz

Yanditswe na Nsengiyumva Emmy
Kuya 18 Mutarama 2023 saa 04:43
Yasuwe :

Iradukunda Jean Luc wamenyekanye nka Mubicyane, akaba umusore w’ibigango wacungiraga umutekano Bruce Melodie, yagaragaye arinze Trey Songz uherutse gukorera igitaramo i Dubai.

Ni amafoto yagiye hanze agaragaza uyu muhanzi ubwo yari ageze mu Mujyi wa Dubai, aho yari afite igitaramo ku wa 15 Mutarama 2023.

Ni igitaramo Trey Songz yakoreye ahitwa Cove Beach, aho uyu musore w’ibigango amaze igihe yarabonye akazi ko gucunga umutekano.

Iradukunda ni umwe mu basore b’ibigango bahariye ubuzima bwe kurinda abantu by’umwihariko ibyamamare ndetse n’abandi bose bafite impungenge ku mutekano wabo, mu gihe bagiye mu ruhame cyangwa ahandi hantu.

Yamenyekanye cyane mu itsinda ry’abasore b’ibigango rya B-KGL ryacungiye igihe kirekire ibyamamare binyuranye byitabiraga ibitaramo mu Rwanda.

Nubwo yarindaga benshi mu byamamare, Iradukunda yamenyekanye cyane nk’umurinzi wa Bruce Melodie, bakundaga kugendana ahantu hose.

Mu 2021 nibwo Iradukunda yabonye akazi ko kujya gukorera i Dubai aho ari kubarizwa kugeza magingo aya.

Iradukunda azwi cyane nk'uwari ushinzwe umutekano wa Bruce Melodie
Nubwo yakoranaga na Bruce Melodie ntabwo byamubuzaga gukorana n'abandi bahanzi
Kuri ubu Iradukunda asigaye aba i Dubai aho aherutse kubona akazi
Iradukunda aherutse kugaragara acungiye umutekano Trey Songz
Trey Songz yahuriye na Iradukunda mu gitaramo yakoreye i Dubai ku wa 15 Mutarama 2023
Cove Beach Dubai aho Mubicyane akora hakunze kugendwa na ba mukerarugendo banyuranye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .