00:00:00 IGIHE NETWORK KN KINYARWANDA EN ENGLISH FR FRANCAIS

Urwibutso rwa Rusine Patrick wataramiye aho yaciraga inshuro mu 2018

Yanditswe na Peacemaker Pundit
Kuya 10 June 2024 saa 01:59
Yasuwe :

Ubwo Rusine Patrick yataramiraga abitabiriye iserukiramuco rya ’Iwacu Summer Comedy Festival’ mu gitaramo cyabereye i Gikondo ahasanzwe habera imurikagurisha, yahishuye ko ahafite urwibutso rudasanzwe kuko mu 2018 yahakoreraga imirimo itandukanye kugira ngo abone amaramuko.

Ubwo igitaramo cyari kigeze hagati, Rusine Patrick wari ku rubyiniro ari gusetsa abacyitabiriye, yafashe akanya abwira abari bateraniye i Gikondo ko ahafite urwibutso atazibagirwa.

Ati ”Reka mbabwire rero mwese uko muri hano, mu 2018 nahakoreraga akazi gasanzwe ko guca inshuro. Ku munsi nahembwaga 1500 Frw, bamwe mwicaye mu myanya y’abishyuye menshi mwahoze munkoresha none mwaje kundeba kandi ndabyishimiye, hano mpafite amateka atangaje."

Yongeyeho ati "Noneho rero nubwo nahembwaga 1500 Frw nta hantu nari mfite ntaha. Nyine naturukaga imihanda yose kuko hari igihe nacumbikaga mu nshuti zanjye ku Gisozi, undi munsi nkarara i Gikondo, ni ukuri Imana yakoze ibitangaza ubu ndabasetsa nkishyurwa neza.”

Rusine ni umwe mu banyarwenya bataramiye abitabiriye Iwacu Summer Comedy Festival yarimo n’umunyarwenya wo muri Nigeria, Doctall Kingslay wihimbye Ntakirutimana. Ni ibitaramo bitegurwa na Seth Seka wahoze muri Zuby Comedy aho yafatanyaga na mugenzi we Samu wari wanitabiriye yaje kwihera ijisho.

Rusine Patrick yishimiye gutaramira mu nyubako yaciragamo inshuro mu 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .