Umwiza Jeannette yahize abandi mu irushanwa ry’imivugo ryabereye mu nkambi ya Nyabiheke

Yanditswe na Uwiduhaye Theos
Kuya 6 Mata 2019 saa 05:51
Yasuwe :
0 0

Umwiza Jeanette yahize abandi mu irushanwa ry’imivugo ndetse n’amahugurwa ategurwa n’umuryango udaharanira inyungu Transpoesis, yabereye mu nkambi y’impunzi ya Nyabiheke, iherereye mu Karere ka Gatsibo.

Iri rushanwa ryabereye mu nkambi ya Nyabiheke nyuma y’ayandi yabereye mu nkambi zinyuranye harimo iya Mahama ndetse na Gihembe hashakishwa impano mu busizi.

Ryabaye nyuma y’amahugurwa yabaye kuva ku wa 28 Werurwe kugeza ku wa 1 Mata 2019, yarangiye hakaba amarushanwa, aho abantu 12 bavuye mu bahuguwe basaga 60 aribo bahatanye.

Aya mahugurwa ndetse n’amarushanwa ategurwa ku bufatanye na World Vision ndetse na Goethe Institut iteza imbere umuco w’Abadage mu Rwanda na Swiss Cooperation, hagamijwe kongera kubaka icyizere mu rubyiruko ruba mu nkambi.

Umwiza Jeannette niwe wahembwe nk’uwishimiwe cyane n’abantu bari bitabiriye ndetse anahembwa nk’uwahize abandi mu irushanwa kubera umuvugo we yise ‘Buhunzi ndekura ngende’.

Uwabaye uwa kabiri ni Mukagaju Aimerance mu muvugo we yise ‘Gitera’.

Umwiza wahize abandi avuga ko yari asanzwe yandika imivugo ariko ngo nyuma yo kubona amahugurwa agasanga hari byinshi byaburaga mu busizi bwe, bigiye gutuma yandika imivugo ikomeye.

Andrea Grieder uyobora Transpoesis yatangaje ko aya marushanwa yateguwe hagamijwe kugaragaza impano ziri mu nkambi.

Ati “Twateguye aya maruhanwa tugamije kugaragaza impano ziri mu nkambi ndetse no kongera kubakamo icyizere abazibamo”.

Batatu ba mbere bahawe ibihembo birimo imipira yo kwambara, amaradiyo no gutunganyirizwa amajwi n’amashusho y’umuvugo wahize iyindi.

Umwiza yishimiwe kugera aho kumuterura
Yavuze umuvugo yise 'Buhunzi ndekura ngende'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza