Umwiherero n’itangwa ry’ibihembo bya The Next Pop Star byasubitswe

Yanditswe na Uwiduhaye Theos
Kuya 20 Ukuboza 2020 saa 03:53
Yasuwe :
0 0

Ubuyobozi bw’irushanwa rya The Popular Star [The Next Pop Star], bwatangaje ko bwabaye buhagaritse umwiherero n’itangwa ry’ibihembo kubera icyorezo cya COVID-19.

Abaririmbyi batandatu barimo abakobwa babiri n’abahungu bane bageze mu cyiciro cya nyuma mu irushanwa The Next Pop Star, kuri uyu wa Gatanu tariki 19 Ukuboza 2020 bari berekeje mu mwiherero w’iminsi itandatu bitegura icyiciro cya nyuma cy’iri rushanwa.

Aba bose bari bahagurukiye kuri Kigali Arena berekeza kuri Hotel Portofino i Nyarutarama aho bagombaga kuba kugeza tariki 24 Ukuboza 2020.

Gusa ubuyobozi bw’iri rushanwa bwashyize hanze itangazo bugaragaza ko uyu mwiherero wahagaritswe ndetse no gutanga ibihembo byagombaga kuba ku wa 26 Ukuboza byose byahagaze.

Buti “Iki cyemezo cyafashwe kubera imibare y’abakomeje kwandura COVID-19 ikomeje kwiyongera.” Bwakomeje buvuga iki cyemezo cyafashwe mu rwego rwo gukomeza gusigasira ubuzima bw’abari kuzitabira ibi bikorwa.

Buvuga ko buri gukorana n’inzego zitandukanye za Leta ku buryo mu minsi ya vuba hazafatwa icyemezo cy’igihe iri rushanwa rizasubukurirwa.

Abageze mu cyiciro cya nyuma cy’iri rushanwa barimo Cyiza Jackson, Gisa Cy’Inganzo, Yannick Gashiramanga, Ish Kevin, Hirwa Irakoze Honorine ndetse na Jasmine Kibatega. Bageze muri iki cyiciro batoranyijwe muri 20 bari bageze mu cyiciro cyakibanjirije.

Iri rushanwa rigamije kuzamura abahanzi Nyarwanda bakagera ku rwego mpuzamahanga, ryateguwe na sosiyete mpuzamahanga zinyuranye zihagarariwe mu Rwanda n’itegura ibitaramo yitwa More Events.

Uzaryegukana azahabwa miliyoni 50 Frw mu gihe uwa Kabiri na we azasinyana amasezerano y’imikoranire na sosiyete itunganya imiziki SM1 Music Group/ Sony Music Group.

Uko ari batandatu bari batangiye umwiherero

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .