00:00:00 IGIHE NETWORK KN KINYARWANDA EN ENGLISH FR FRANCAIS

Umwaka wa Innox Entertainment imaze gushora miliyoni zirenga 70 mu muziki nyarwanda

Yanditswe na Nsengiyumva Emmy
Kuya 20 Ukuboza 2022 saa 03:10
Yasuwe :

Ubusanzwe umwaka iyo ushize benshi basubiza amaso inyuma bakitegereza ibyo bakoze n’ibyabagoye bagiye kuraga ukurikiye, Innox Entertainment imaze gushora miliyoni zirenga 70 mu mu gufasha abahanzi nyarwanda.

Sosiyete ya Innox Entertnaiment ikomeje kwigaragaza mu muziki w’u Rwanda ibinyujije mu gufasha abahanzi gukora indirimbo nka ‘Why’ ya The Ben na Diamond, Quality ya Kenny Sol na Double Jay, Rimwe na Mbega byiza za Platini.

Innox Entertainment ni sosiyete imaze imyaka ine ikora ibijyanye no gutegura ibitaramo by’abahanzi banyuranye biganjemo abanyarwanda bataramira muri Amerika.

Nyuma y’imyaka itatu bakora imirimo inyuranye irimo no gutegura ibitaramo, iyi sosiyete muri uyu mwaka yinjiye mu byo gufasha abahanzi gukora no gutunganya indirimbo zabo.

Ku ikubitiro Innox Entertainment yafashije The Ben mu ikorwa ry’indirimbo ye na Diamond bise ‘Why’ iyi ikaba ari nayo bahamya ko yabatwaye amafaranga menshi ugereranyije n’izindi bamaze gushoramo amafaranga.

Nyuma y’iyi ndirimbo, yagiye ikorana n’abandi bahanzi barimo Kenny Sol bakoranye Quality yahuriyemo na Double Jay.

Umuhanzi bamaze gukorana indirimbo nyinshi ni Platini bakoranye izitwa ‘Rimwe’ na ‘Mbega byiza’.

Iyi mishanga yose, DJ Innox ahamya ko imaze kubatwara arenga ibihumbi 70$ (arenga miliyoni 70Frw). Aha IGIHE yifuje kumenya buri ndirimbo ayo yagiye itwara ariko DJ Innox aranga atubera ibamba.

Abajijwe niba ari umushinga abona ko wazagera aho ukabungukira, DJ Innox yavuze ko nubwo bitaba mu buryo bw’ako kanya ariko imikoranire yabo n’abahanzi hari aho izagera ikabungukira.

Ku rundi ruhande ariko DJ Innox yavuze ko gukorana n’abahanzi biri mu byo biyemeje bajya gushinga sosiyete yabo kuko ifite intego yo kuzamura umuziki nyarwanda bakawugeza ku ruhando mpuzamahanga.

Avuga ku mikoranire n’abahanzi, DJ Innox yagize ati “Innox Entertainment igamije kuzamura umuziki w’u Rwanda, intego ikaba ko ucurangwa ku rwego mpuzamahanga. Hari abahanzi dukorana ari ukubafasha gusa hakaba n’abo tugira ibyo twumvikana.”

Ku rundi ruhande nubwo iyi sosiyete igenda ikorana n’umuhanzi umwe umwe, DJ Innox yavuze ko bafite gahunda yo gutangiza ‘Label’ yajya ifasha abahanzi noneho bagakorana mu buryo bweruye.

Platini ni umwe mu bamaze kungukira mu mushinga wa DJ Innox
The Ben na DJ Innox bamaze igihe bakorana
DJ Innox hano yari kumwe na Diamond ubwo hategurwaga umushinga w'indirimbo 'Why' ya The Ben
DJ Innox aherutse gutumira Ne-yo mu gitaramo cyabereye muri Amerika
Platini ni umwe mu bamaze kungukira mu mushinga wa DJ Innox
DJ Innox ni we watumiye Massamba Intore mu gitaramo aherukamo muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .