00:00:00 IGIHE NETWORK KN KINYARWANDA EN ENGLISH FR FRANCAIS

Umwaka w’amateka kuri Selekta Danny watsindiye miliyoni 18 Frw mu irushanwa #MutzigAmaBeats

Yanditswe na Nsengiyumva Emmy
Kuya 27 Ugushyingo 2022 saa 09:56
Yasuwe :

Nibavuga ko umwaka wahiriye abantu, uzumve ko bisobanuye uko uwa 2022 wagendekeye Selekta Danny, uherutse kwegukana imodoka mu irushanwa ry’aba DJs. Yongeye gutsindira irindi rushanwa, atahana miliyoni 18 Frw n’ibikoresho by’akazi.

Mu ijoro ryo ku wa 26 Ugushyingo 2022 nibwo Selekta Danny yahize abandi ba DJs batanu bari bahataniye igihembo nyamukuru cya miliyoni 18 Frw mu irushanwa rya #MutzigAmaBeats.

Ni irushanwa ry’aba DJs ryateguwe na BRALIRWA binyuze mu kinyobwa cyayo cya Mutzig.

Nyuma y’uko aba DJs bose babyifuzaga biyandikishije ndetse bagahatana mu ijonjora ry’ibanze, hatoranyijwe 10 bahize abandi.

Aba icumi baremwemo amakipe ya babiri babiri, bakajya bahatanira mu bitaramo byazengurutse Intara z’igihugu cyose.

Uko ari batanu batoranyijwe muri buri Ntara bagombaga guhura ubwabo, bagahatanira igihembo nyamukuru cy’irushanwa.

Mu ijoro ryo ku wa 26 Ugushyingo 2022 nibwo uwo munsi wari wageze maze abarimo Dj Rugamba, DJ FTrucker, DJ Khizzbeats na DJ Buster na Selekta Danny bisanga bahatanira igihembo nyamukuru.

Aba bahataniraga imbere y’akanama nkemurampaka kari kagizwe na DJ Anita Pendo, DJ Bissosso, DJ Sharif na DJ Infinity batangaga amanota.

Imbere y’imbaga y’abantu bari bakubise bakuzura ahitwa Mundi Center iherereye Rwandex, aha hakaba hamaze kubaka izina kubera akabari gahari kitwa Boogaloo, aba ba DJs uko ari batanu bahawe umwanya wo guhatana mu byiciro bitandukanye.

Buri wese yahawe umwanya wo kugaragaza ubuhanga bwe mu kwerekana ubumenyi afite muri uyu mwuga, hanyuma akanama nkemurampaka kajya kwiherera kagaruka kabara inkuru z’uko amajwi yagenze.

Zuba Mutesi na Nkusi Arthur bari bayoboye ibi birori, nyuma yo guhabwa amazina y’abatsinze bagaragaje ko uwa gatatu ari DJ Rugamba wahawe 2,500,000Frw.

Uyu yakurikiwe na DJ Khizzbeats watsindiye miliyoni 12 Frw akanahabwa amasezerano ya Brand Ambassador wa Mutzig, uyu buri kwezi akazajya ahembwa miliyoni 1 Frw umwaka wose.

Umwanya wa mbere wegukanywe na Selektor Danny wegukanye miliyoni 18 Frw byanatumye agirwa Brand Ambassador wa Mutzig na we ariko we uzajya ahembwa 1 500 000 Frw buri kwezi mu gihe cy’umwaka.

Aba bose bakaba bahawe n’ibikoresho bishya bizajya bibafasha mu kazi kabo ka buri munsi ko kuvanga imiziki.

Selektor Danny ni igihembo cya kabiri yegukanye muri uyu mwaka kuko muri Kanama 2022 nabwo yari yatsinze irushanwa ryitwa DJs Battle Competition yegukana igihembo cy’imodoka ifite agaciro ka miliyoni 25 Frw n’ibyuma byo kwifashisha mu kazi ke ka buri munsi bifite agaciro ka miliyoni 5 Frw.

Aba DJs mbere yo guhatana babanje kwiyereka abafana muri ubu buryo
Buri mu DJ yagezwaga ahabera iri rushanwa atwawe kuri moto
Nkusi Arthur ni we wayoboye iki gitaramo
DJ Rugamba ubwo yiyerekaga abafana mu kuvanga imiziki
Zuba Mutesi wafatanyije na Nkusi Arthur mu kuyobora ibi birori
DJ Rugamba yakoze iyo bwabaga ngo yemeze abari ahabereye iri rushanwa ndetse n'abari bagize akanama nkemurampaka
DJ Khizzbeatz ubwo yiyerekaga abakunzi b'umuziki
Uko baba bahanganye no kwemeza abagize akanama nkemurampaka niko abafotozi nabo baba bahanganye no kubona agafoto keza
Abafana barimo abo tumenyereye mu mupira w'amaguru bari babukereye bagiye kwihera akajisho
Nkusi Arthur yongeye kugaragaza ubuhanga mu kuyobora ibirori
Ubwo Selekta Danny yiyerekaga abakunzi b'umuziki, benshi babonye ko ari we ukwiye kwegukana iki gihembo
Selekta Danny ashyushya abakunzi be
Mutzig yanyowe ku bwinshi
Nubwo benshi batamumenyereye ariko Zuba ni umwe mu bashyushyarugamba bashya kandi bazanye amashagaga mu ruhando rw'imyidagaduro
Ahasanzwe habera Sunday Churche ya Boogaloo hari hakubise huzuye
Aba barwanaga no gucyura amashusho y'urwibutso
Nta cyaka ufite Mutzig kirazira
Ibyishimo ni iki? iyo umuntu anyuzwe n'umuziki hari igihe asaba abo bazanye kumutera ibitugu ngo agaragaze neza ibimurimo
Kubona aho ukandagira byari ingorabahizi
Abari bagize akanama nkemurampaka bari bicajwe ahitegeye urubyiniro
DJ Ira ari yatumiwe ngo anyuzemo asusurutse abakunzi b'umuziki bitabiriye ibi birori
10 babashije guhatana bahawe 'certificates' z'uko bitabiriye iri rushanwa
DJ Rugamba ni we wabaye uwa gatatu ahabwa igihembo cya miliyoni 2.5Frw
DJ Khizzbeats yegukanye miliyoni 12Frw
Selektor Danny yegukanye igihembo gikuru cya miliyoni 18Frw
Umuyobozi ushinzwe Iyamamazabikorwa muri Bralirwa, Gatabazi Martine ni we washyikirije sheke Selekta Danny
Ibyishimo byari byose kuri Selekta Danny wegukanye miliyoni 18Frw n'ibikoresho bizamufasha mu kazi ke ka buri munsi

Muri Kanama 2022 Selekta Danny yari yatsindiye imodoka mu irushanwa nk’iri

Mu irushanwa ryateguwe na sosiyete yitwa M&K, Selekta Danny yatsindiye imodoka n'ibikoresho bizamufasha mu kazi ke
Ubwo Selekta Danny yishimiraga imodoka yegukanye, none yongeye kwegukana miliyoni 18Frw

Amafoto: Prince Munyakuri


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .