Umuyobozi wa Godfather yiyemeje gushyira itafari ku muziki w’umuhanzikazi France

Yanditswe na Uwiduhaye Theos
Kuya 21 Ukwakira 2019 saa 09:56
Yasuwe :
0 0

Mike Ogoke, Umuyobozi w’inzu itunganya amashusho y’indirimbo z’abahanzi izwi nka Godfather, yamamaye cyane mu gukorera ibyamamare ku mugabane wa Afurika ndetse no hanze yawo yashimye impano y’umuhanzikazi ukizamuka witwa France yiyemeza gushyira itafari ku muziki we.

Uyu muyobozi yabengutse impano y’uyu mukobwa ubwo yazaga mu Rwanda mu minsi ishize akaza kugira amahirwe yo kumva ibihangano bye.

Umuyobozi wa Future Music, inzu France abarizwamo, David Pro yabwiye IGIHE ko nyuma yaho Mike Ogoke yumvise impano y’uyu muhanzikazi akayitangarira yahise yiyemeza kugira itafari ashyira ku muziki we.

Ati “Impano ya France yishimiwe cyane na Mike. Ubu twahise dutangira ibiganiro ku buryo indirimbo nshya yenda kujya hanze mu buryo bw’amajwi, amashusho yayo azaba yarafatiwe muri Godfather. Ni ibintu bishimishije kuri twe.”

Uyu muhanzikazi wishimiwe na Mike Ogoke wa Godfather ubusanzwe yitwa Gusenga Munyampundu Marie France, yinjiranye mu muziki izina rya France , yavukiye mu Ntara y’ Amajyepfo mu karere ka Nyanza.

Yatangiye kuririmba akiri muto afite imyaka hagati y’itanu n’itandatu. Afashwa cyane n’ababyeyi be, ariko atangiye gukura nibwo yagendaga yiyumvamo ko umuziki ari impano ikomeye afite kandi agomba kuwubyazamo umusaruro.

Yakomeje kuririmba nyuma yaho agira amahirwe yo kwitabira amarushanwa yitwa I’m the future arayatsindira bimuhesha amahirwe yo kwinjira no gukomeza rugendo rwe rw’umuziki, akabya inzozi yahoranye kuva kera.

Uyu mwaka yegukanye miliyoni 15 z’amafaranga y’u Rwanda nyuma yo kuba uwa mbere mu irushanwa rya ‘I am The Future’ ritegurwa na Future Music ya David , yabayemo uwa mbere.

Uyu mukobwa w’imyaka 19, amashuri y’incuke n’abanza yayize ku ishuri rya Saint Joseph. Ayisumbuye mu cyiciro rusanjye ayigira muri College du Christ-Roi i Nyanza kuva mu 2013 kugeza mu 2015.

Yasoreje amashuri muri Ecole Notre Dame de la Providence i Huye aho yize kuva mu 2016 kugeza mu 2018. Yiga kaminuza muri African Leadership University (ALU).

Reba indirimbo France aheruka gushyira hanze

Uyu muyobozi wa Godfather yagize igihe gihagije cyo kuganira na France
Mike umuyobozi wa Godfather yashimye impano y'umuhanzikazi France

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza