Ibi yabigarutseho mu kiganiro yagiranye n’urubyiruko rwitabiriye iki gitaramo cyabaye mu ijoro ryo ku wa 19 Nzeri 2024 mu ihema rya Camp Kigali.

Meya Dusengiyumva yavuze ko urubyiruko rubereye umujyi ari urwita ku isuku yawo, rukirinda guta imyanda n’amacupa aho babonye hose ndetse bakabungabunga ibiti n’indabyo ziwutatse.

Ati “Nk’urubyiruko bisa nabi kubona ujugunya imyanda cyangwa amacupa ku muhanda, niba umaze kunywa amazi aho kurijugunya warigendana ukaza kurishyira ahagenewe gushyirwa imyanda cyangwa ukaba wanagatahana ukakajugunya mu myanda.”

Uyu muyobozi yibukije urubyiruko ko isuku ari kimwe mu biranga Umujyi wa Kigali bityo abasaba kuyisigasira no kwita ku biti n’indabyo ziwutatse.

Mu bibazo yabajijwe, harimo kuba badateganya kubakira urubyiruko inzu z’imyidagaduro mu Mujyi wa Kigali cyane ko atari nyinshi kugeza uyu munsi zihari.

Umuyobozi w’Umujyi wa Kigali yijeje urubyiruko ko muri gahunda bafite harimo kubaka izi nyubako zajya zifasha abakunzi b’imyidagaduro kubona aho bataramira.

Ku rundi ruhande, uyu muyobozi yashimiye abategura Gen-Z Comedy ahamya ko ibitaramo nk’ibi ari byiza ndetse abizeza ubufasha bwose bazakenera ku Mujyi wa Kigali.

Iki gitaramo cyari cyatumiwemo abanyarwenya bakomeye barimo Alex Muhangi wo muri Uganda, Michael Sengazi, Clapton Kibonge na Ramjaane Joshua usanzwe atuye muri Leta Zunze Ubumwe za Amerika.

Aba biyongera ku banyarwenya basanzwe muri Gen-Z Comedy biganjemo abakuriye muri ibi bitaramo bakubakiramo izina.

Dudu wakuriye muri Gen-Z Comedy ni umwe mu banyarwenya bagezweho muri iyi minsi

Madederi wo muri Papa Sava ni umwe mu bari bitabiriye iki gitaramo

Urubyiruko rwabyifuzaga mu bitabiriye igitaramo cya Gen-Z Comedy rwatanze amaraso

Pilate ni we wasoje iki gitaramo

Pilate ni umwe mu banyarwenya bakunzwe muri Gen-Z Comedy

Pilate uri mu banyarwenya bagezweho, yagiye ku rubyiniro yitwaje igitanda

Ramjaane Joshua na Clapton Kibonge bibukije abakunzi ba Gen-Z Comedy ibihe byabo bya cyera ubwo bakoranaga kuri Lemigo TV

Ramjaane Joshua witabiriye iki gitaramo arwaye, ntibyamubujije gushimisha abakunzi be

Mu masegonda make yamaze ku rubyiniro yashimishije abakunzi be

Davis D yasabwe na Alex Muhangi kwigira imbere akaramutsa abakunzi be

Alex Muhangi yemeje ko ari i Kigali ku bufatanye bwa Gen Z Comedy na Comedy Store asanzwe akora muri Uganda

Alex Muhangi yatunguranye aririmba nyinshi mu ndirimbo z'abahanzi bo mu Rwanda

Clapton Kibonge yakoze urweny rwibanze ku kwamamaza restaurant nshya yafunguye mu Mujyi wa Kigali

Nyabitanga na Rusine bakinanye

Michael Sengazi ni umwe mu banyarwenya biyambajwe muri iki gitaramo

Rusine Patrick n'umugore we bari bitabiriye igitaramo cya Gen-Z Comedy

Davis D ni umwe mu bitabiriye igitaramo cya Gen-Z Comedy

MC Kandii na musa ni bamwe mu banyarwenya bagezweho muri Gen-Z Comedy

Abanyarwenya MC Kandii na Musa bafatanye ifoto n'Umuyobozi w'Umujyi wa Kigali

Umuyobozi w'Umujyi wa Kigali yasabye urubyiruko kwita ku isuku yawo

Umuyobozi w'Umujyi wa Kigali yari yitabiriye igitaramo cya Gen-Z Comedy