Uyu mukobwa w’imyaka 22 y’amavuko abaye uwa gatatu uhawe ikamba rya nyampinga muri iki gihugu mu 2023, nyuma yo gusimbura Savannah Gankiewicz wo muri Hawaii, wari wasimbuye Noelia Voigt wo muri Utah muri Gicurasi, wavuye kuri uyu mwanya kubera impamvu na n’ubu zitavugwaho rumwe, ariko we yemeza ko yacunagujwe mu buryo bunyuranye.

Alma Cooper, afite impamyabumenyi y’icyiciro cya gatatu cya kaminuza mu bijyanye no gusesengura amakuru [Data Science], yakuye muri Kaminuza ya Stanford University.

Yegukanye iri kamba nyuma yo guhigika abandi 50, bahataniye mu byiciro binyuranye birimo icyo kugaragaza ubwiza wambaye imyenda yo koga cyane iya bikini ‘swimwear competition’ n’ikindi cyiciro aho abarushanwa bagaragaza ubwiza n’imiterere yabo bambaye amakanzu ‘Evening gown competitions’.

Connor Perry ukomoka muri Leta ya Kentucky na Danika Christopherson wo muri Oklahoma ni bo babaye ibisonga bya Alma Cooper.

Ubwo bari bageze mu cyiciro cy’ibibazo n’ibisubizo, Alma Cooper, yabwiye abari bagize akanama nkempuramaka ko ari umukobwa ufite inkomoko muri Afurika no muri Amerika y’Amajyepfo ndetse akaba n’umusirikare wa Amerika.

Ati “Niba hari ikintu ubuzima bwanjye na mama banyigishije, ni uko ibyo ucamo bitagena ahazaza hawe. Ushobora kugera ku ntsinzi binyuze mu gukora cyane.”

Alma Cooper, ni we uzahagararira Amerika, mu irushanwa rya Miss Universe 2024, riteganyijwe kuba mu kwezi gutaha muri Mexico.

Alma Cooper ukomoka muri Leta ya Michigan watorewe kuba Nyampinga wa Amerika, ni Umusirikare mu Ngabo za Leta Zunze Ubumwe za Amerika

Alma Cooper w’imyaka 22 y’amavuko, yahawe ikamba ryari rifitwe na Savannah Gankiewicz wo muri Hawaii