Umusifuzi wa ruhago Ndayisaba Saidi yafunguye studio itunganya umuziki

Yanditswe na Nsengiyumva Emmy
Kuya 27 Ugushyingo 2020 saa 08:38
Yasuwe :
0 0

Umusifuzi wo ku ruhande mu mupira w’amaguru, Ndayisaba Saidi, yafunguye studio itunganya umuziki, nk’ubushabitsi buzajya bwunganira akazi ko gusifura asanzwe akora.

Studio nshya ya Ndayisaba yayise ‘Africa to the Future’, iherereye ku Ryanyuma mu Murenge wa Nyamirambo mu Karere ka Nyarugenge.

Iyi studio imaze amezi atatu ifunguye imiryango, ishobora gukora indirimbo mu buryo bw’amajwi ndetse n’amashusho.

Mu kiganiro na IGIHE, Ndayisaba yavuze ko ibyo akora bitamubuza kugira indi mishinga ashyira mu ngiro.

Yagize ati ”Bitewe nuko nsanzwe nkunda umuziki kandi nkaba mbona ubushobozi bwo gukora studio naragize Imana nkabubona numvaga ariwo musanzu natanga ku iterambere ryawo.”

Uyu musifuzi avuga ko akunda cyane umuziki akaba ari naho yakuye igitekerezo cyo gukora studio ifasha abahanzi.

Avuga ko azaharanira ko studio ye isohokamo ibihangano byiza, kuko usibye kuba ari ubucuruzi, na we yakwishimira kuryoherwa n’umuziki mwiza yaba yagize uruhare mu ikorwa ryawo.

Yakomeje ati ”Kenshi wasangaga studio zifungurwa n’abashoramari bishakira inyungu, njye rero biratandukanye, nsanzwe nkunda umuziki, bigomba gutuma nkora ibishoboka byose iwanjye hagasohoka imiziki myiza ituma nanjye ndyoherwa.”

Usibye studio no gusifura, Ndayisaba asanzwe ari n’umushabitsi kuko acuruza telefoni mu mujyi rwagati ahazwi nko ku Iposita.

Mbere y’uko atangira gusifura, Ndayisaba Saidi yakoraga siporo ngororamubiri, ndetse yigeze kujya ahagararira u Rwanda mu marushanwa atandukanye.

Ndayisaba asanzwe ari umusifuzi wo ku ruhande uri mu bahagaze neza
Yafunguye studio ikora umuziki
Urukundo akunda umuziki nirwo rwatumye Ndayisaba ashinga studio

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .