00:00:00 IGIHE NETWORK KN KINYARWANDA EN ENGLISH FR FRANCAIS

Umuraperi Prime Mazimpaka yahishuye ko yarokotse ’Mugo’ yari imuhitanye

Yanditswe na Nsengiyumva Emmy
Kuya 17 Mutarama 2023 saa 09:00
Yasuwe :

Umuraperi Prime Mazimpaka yahishuye ko mu mwaka ushize yasimbutse urupfu rw’ikiyobyabwenge cya ’Heroine’ kizwi mu Rwanda nka ’Mugo’, cyari kimuhitanye nyuma y’urupfu rw’umuvandimwe we witabye Imana azize cancer.

Ni ishimwe uyu muhanzi yatanze arinyujije ku mbuga nkoranyambaga ze, mu butumwa bugaragaza ko atangiye umwaka mushya ashimira Imana yamurinze urupfu.

Ati "Ndumva nishimye atari ukubera ko mfite amafaranga ahubwo kuko ubu meze neza nkikijwe n’abantu nkunda. Umwaka ushize byari ibisazi, natakaje impanga yanjye nanjye habura gato ngo mbure ubuzima bwanjye kubera heroine. Nyagasani ni wowe mbikesha."

Ni ubutumwa bw’ishimwe uyu muraperi atangaje mu gihe yari amaze igihe asa n’uwaburiwe irengero mu muziki cyane ko nta ndirimbo yaherukaga gusohora. Ubu butumwa ariko yaje kubusiba.

Mazimpaka Prime witegura kuzuza imyaka 28, ni umwe mu banyempano bahambaye ariko batabashije kugeza kure impano zabo.

Iyo umubajije umubare w’indirimbo amaze gukora, Prime Mazimpaka avuga ko bigoye kuzibara kuko ari nyinshi.

Mazimpaka Prime avuga ko ari Imana yarinze ubuzima bwe bwari bugererewe n'urpfu kubera ibiyobyabwenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .