00:00:00 IGIHE NETWORK KN KINYARWANDA EN ENGLISH FR FRANCAIS

Umuraperi Gitego Winner yambitse impeta umukunzi we bitegura kurushinga

Yanditswe na Nsengiyumva Emmy
Kuya 13 June 2022 saa 04:11
Yasuwe :

Umuraperi Gitego Cedric wamenyekanye nka ‘Winner Messiah’ yambitse impeta umukunzi we witwa Noella Pesh amusaba ko yamubera umugore.

Ni umuhango wabaye mu ijoro ryo kuri uyu wa 12 Kamena 2022 ubwo uyu muraperi yafataga icyemezo cyo kwambika impeta umukunzi we akamusaba ko barushinga undi nawe ahita amwemerera.

Uyu muraperi ni umwe muri bake babashije kwiga amashuri menshi kuko kugeza ubu afite impamyabumenyi y’icyiciro cya gatatu cya kaminuza yakuye mu Buhinde, aho yize ‘Applied Economics’.

Amasomo ni nayo yatumye uyu muraperi asa n’ushyize ku ruhande ibya muzika nubwo atigeze abivamo burundu kuko n’igihe yari ku ishuri yanyuzagamo agakora indirimbo zirimo n’izakunzwe.

Uyu wiganaga n’abandi bahanzi barimo Young Junior banakunze gukorana indirimbo yanarangirije rimwe amasomo n’abarimo Israel Mbonyi baje no gutahira mu mwaka umwe.

Uyu musore yatangiye umuziki mu myaka yo ha mbere kuko yatangiriye mu itsinda rya Kosovo M.O.P ryanabarizwagamo abaraperi bakomeye nka Bably.

Nyuma y’iminsi iri tsinda ryabo ritangiye kuzamura umutwe mu muziki w’u Rwanda, Winner Messiah yaje kwerekeza ku ishuri mu Buhinde bituma iby’umuziki abigendamo biguruntege.

Mu 2015 nibwo Messiah Winner yari arangije icyiciro cya gatatu cya kaminuza ataha mu Rwanda ari naho atuye ndetse ari no gukorera kugeza ubu.

Kuva yataha mu Rwanda, Winner Messiah yagiye agorwa no kuvanga imirimo ye n’umuziki nubwo bitamubuzaga kugerageza kuwukora.

Mu ndirimbo za Winner zagiye zikundwa harimo; Super woman yakoranye na Gabiro Guitar, Selector yakoranye na Social Mula, Enemies yakoranye na Uncle Austin n’izindi nyinshi.

Mu minsi ishize uyu muraperi yasohoye indirimbo ye nshya yise ‘Cope’ ahamiriza IGIHE ko nyuma y’iminsi asa n’ucecetse cyane umuziki yamaze kuwusubukura ndetse anongeraho ko nyuma y’ubukwe bwe abikiye byinshi abakunzi be.

Winner Messiah n'umukunzi we baritegura kurushinga
Umuraperi Gitego ‘Winner Messiah’ yambitse impeta umukunzi we bitegura kurushinga
Imyiteguro y'ubukwe igeze kure

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .