Kigingi wari watumiwe muri Gen-Z Comedy yabaye muri Werurwe 2024, byaje gutungurana kubona ko atitabiriye bitewe n’impamvu icyo gihe zitamenyekanye.

Kutamenyekana kw’impamvu Kigingi atitabiriye igitaramo cya Gen-Z Comedy ndetse n’umwuka mubi wari hagati y’u Burundi n’u Rwanda muri icyo gihe, byatumye hari n’abatekereza ko na we yaba yavangiwe n’impamvu za politiki.

Nyuma y’igihe kinini cy’ibiganiro, byamaze kwemezwa ko Kigingi ari umwe mu banyarwenya bazasetsa abazitabira igitaramo cya Gen-Z Comedy giteganyijwe ku wa 28 Ugushyingo 2024.

Ni igitaramo azahuriramo n’abandi nka Muhinde, Salisa, Pirate, Dudu, Rumi na Fally Merci ubwe.

Niyo Bosco ni we muhanzi uzasusurutsa abaza bitabiriye, mu gihe Umunyamakuru Mutesi Scovia azatangamo ikiganiro.

Fally Merci watangije ibitaramo bya Gen-Z Comedy ni na we ubiyobora

Niyo Bosco azasusurutsa abakunzi b'umuziki bazitabira igitaramo cya Gen-Z Comedy

Mutesi Scovia ni we uzaganiriza abazitabira igitaramo cya Gen-Z Comedy

Kigingi agiye gushumbusha abakunzi be aherutse gutenguha