00:00:00 IGIHE NETWORK KN KINYARWANDA EN ENGLISH FR FRANCAIS

Umunyamideli Keza agiye kwibaruka

Yanditswe na Mukahirwa Diane
Kuya 8 Ukuboza 2022 saa 08:10
Yasuwe :

Niyigena Solange wamenyekanye nka Keza Terisky ku mbuga nkoranyambaga, agiye kwibaruka, nyuma y’amezi make atangaje ko atakiri mu rukundo na The Trainer bakanyujijeho.

Ku mugoroba wo ku wa Gatatu nibwo Keza abinyujije ku mbuga nkoranyambaga ze yasangije ibihumbi bimukurikirana ko atwite inda y’imvutsi, agaragaza ko yishimiye kwakira umwana.

Mu mashusho yashyize kuri shene ya YouTube ye yatangaje ko anejejwe no kuba agiye kwibaruka kandi ko abamuvuga byinshi atabitayeho.

Ati “Ndabizi abantu bamwe baraza kuncira urubunza ariko nukuri ntabwo mbyitayeho, nimba uje guca imanza ntabwo nkwitayeho icyo nzi ni uko umwana ari umugisha, ari zahabu.”

Keza asanzwe akora akazi ko kumurika imideli ndetse yabitangiye mu 2013, ni umwe mu banyamideli icumi baserukiye u Rwanda i Lagos mu iserukiramuco ry’imideli rya GTBank Fashion Weekend.

Uretse kumurika imideli, ni n’umwe mu bakobwa bakunze kwifashishwa mu mashusho y’indirimbo z’abahanzi batandukanye mu Rwanda, kuko yagaragaye muri ‘Pete Kidole’ ya Urban Boyz na Good Life, ‘Mama’ ya Urban Boyz , ‘Go mama’ ya Active n’izindi.

Keza ntabwo yigeze agira ubuzima bw’urukundo ibanga kuko abasore bakundanye abasangiza abamukurikira ku mbuga nkoranyambaga. Muri Werurwe 2019 yambitswe impeta na Richard wabarizwaga mu Bwongereza.

Urukundo rwabo rwaje gukonja, ahubwo mu 2021 Keza yongera kuvugwa ari kumwe na Izere Laurien, wamenyekanye nka The Trainer, ukora akazi ko gukoresha imyitozo ngororamubiri abantu batandukanye barimo n’ibyamamare.

Nyuma y’amezi ane bari mu munyenga w’urukundo baje gutandukana buri wese aca inzira ye mu rukundo, gusa baje gutungurana ku wa 17 Mata 2022, ubwo The Trainer yambikaga impeta uyu mukobwa amusaba ko bazabana akaramata nawe arabyemera.

Gusa urukundo rwabo rwakonje vuba nk’isosi y’intama kuko mu gihe bari bakishimira inkuru yo kwambikana impeta, bongeye kugaragara bavuga ko batakiri mu rukundo ibyo benshi bise imikino.

Mu kiganiro The Trainer yagiranye na Isimbi Tv yatangaje ko yamaze gutandukana n’uyu mukobwa byeruye n’ubwo Keza we yaruciye ararumira ku bijyanye no kongera gutandukana kwabo.

Izina rya Keza ryamamaye ku mbuga nkoranyambaga mu Ukuboza 2017, ubwo yifotozaga yiteye umwenda ufite amabara asa neza n’ay’ibendera ry’u Rwanda ukanabamo izuba ryuzuza neza ibirango birigize.

Icyo gihe mu bavuze kuri Keza hari higanjemo abanenze uburyo yubahutse ibendera akaryikinga yambaye ubusa abandi bakavuga ko ‘ntacyo bitwaye kuko ibendera ry’igihugu ritameze neza ijana ku ijana n’uyu mwenda’.

Uyu mukobwa atangaje amakuru y'uko atwite nyuma y'igihe gito atandukanye na The Trainer bakanyujijeho mu rukundo
Keza ari mu byishimo byo kwitegura kwibaruka impfura ye
Keza yashyize hanze amafoto agaragaza ko yitegura kwibaruka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .